દેશમાં આજથી અનલોક શરૂ થઈ ગયું છે અને શેર બજાર તેના પ્રથમ દિવસે લીલા નિશાન સાથે ખુલ્યું છે. શેરબજારમાં જોરદાર રોનક જોવા મળી રહી છે. સવારે 11.57 વાગ્યે બોમ્બે સ્ટોક એક્સચેંજનો મુખ્ય ઈન્ડેક્સ સેન્સેક્સ 3.24 ટકાના વધારા સાથે 1051.01 પોઇન્ટના વધારા સાથે 33474.11 પર કારોબાર કરી રહ્યો છે. ઉપરાંત, નેશનલ સ્ટોક એક્સચેંજના નિફ્ટીમાં પણ જોરદાર વૃદ્ધિ જોવા મળી હતી. તે 3.03 ટકાના વધારા સાથે 293.25 પોઇન્ટ વધીને 9873.55ના સ્તર પર બંધ રહ્યો હતો.
આજથી અનલોક-1ની શરૂઆત
સેન્સેક્સમાં 1051.01 પોઇન્ટનો ઉછાળો
મહિનાના પ્રથમ દિવસે થઈ સારી શરૂઆત
કારોબારી ગતિવિધિઓ ધીમે-ધીમે શરૂ કરવાનું વિભિન્ન દેશોની સરકાર શરૂઆતના કારોબારમાં સેન્સેક્સ 1.61 ટકા વધીને 521.20 પોઇન્ટ ખુલીને 32945.30 ના સ્તર પર પહોંચ્યો છે. નિફ્ટી વિશે વાત કરવામાં આવે તો તે 1.3 ટકાના વધારા 143.90 અંક ઉપર જઇને 9724.20 સ્તર પર ખુલ્યો છે.
ડોલરના મુકાબલે રૂપિયા 32 પૈસા મોંઘો થયો
અમેરિકન ડોલરના સામે સોમવારે રૂપિયો 32 પૈસા વધીને 75.30ની સપાટીએ ખુલ્યો છે. સ્થાનિક અર્થતંત્રને તબક્કાવાર ખોલવાના સરકારના નિર્ણયની રૂપિયા પર સકારાત્મક અસર પડી હતી. વિદેશી વિનિમય વેપારીઓના જણાવ્યા મુજબ વિદેશી મૂડીનો પ્રવાહ, યુએસ ચલણના વિનિમય દરમાં ઘટાડો અને સ્થાનિક શેરબજારોમાં સારી શરૂઆતના પગલે રોકાણકારોની ભાવનાઓને મજબૂત બનાવવામાં આવી છે. ઇન્ટરબેંક વિદેશી મુદ્રા બજારમાં રૂપિયો 75.32 ની સપાટીએ ખુલ્યો અને તે પછી વધુ મજબુત થઈને 75.30 પર પહોંચી ગયો. જે અગાઉના બંધ ભાવ કરતા 32 પૈસા વધારે છે. શુક્રવારે રૂપિયો અમેરિકન ડોલર સામે 75.62 ની સપાટીએ બંધ રહ્યો હતો.
શુક્રવારે વિશ્વના મોટાભાગના બજારોમાં વધઘટ જોવા મળી હતી. યુ.એસ. ડાઉ જોન્સ 0.07 પૈસાના ઘટાડા સાથે નીચે 17.53 અંક નીચે આવી 25,383.10 ના સ્તરે બંધ થયો હતો. નૈસ્ડેક 1.29 ટકાના વધારા સાથે 120.88 પોઇન્ટ વધીને 9,489.87 પર બંધ રહ્યો હતો. એસ એન્ડ પી 0.48 ટકાના વધારા સાથે 14.58 પોઇન્ટ વધીને 3,044.31 ના સ્તરે હતો. ચીનનો શાંઘાઈ કમ્પોઝિટ 1.97 ટકા વધીને 56.13 પોઇન્ટ વધીને 2,908.48 ના સ્તરે હતો. ઇટાલી, ફ્રાન્સ અને જર્મનીના બજારોમાં ઘટાડો જોવા મળ્યો હતો.
દિગ્ગજ શેરની સ્થિતિ
મોટા શેરોની વાત કરીએ તો આજે અદાણી પોર્ટ્સ, સન ફાર્મા, એચડીએફસી, ટીસીએસ, રિલાયન્સ, આઇઓસી, એચસીએલ ટેક, ઈન્ફોસીસ, બ્રિટાનિયા અને ટેક મહિન્દ્રાના શેર લીલા નિશાન પર ખુલ્યા છે. તે જ સમયે, ઇન્ફ્રાટેલ, એનટીપીસી, ગેઇલ, હીરો મોટોકોર્પ, ઝી લિમિટેડ, એક્સિસ બેંક, અલ્ટ્રેટેક સિમેન્ટ, બીપીસીએલ, ગ્રાસિમ અને બજાજ ફાઇનાન્સના શેર લાલ નિશાન પર ખુલ્યા હતા.