એનસીપી (NCP)ના અધ્યક્ષ અને મહારાષ્ટ્ર સરકારના કિંગ મેકર શરદ પવારે બુધવારે રાજ્યસભા ચૂંટણી માટે મહારાષ્ટ્રથી ઉમેદવારી પત્ર ભર્યું. શરદ પવારે ઉમેદવારી પત્ર સાથે ભરેલા સોગંદનામું ભર્યું હતું જેમાં તેને પોતાની મિલકતની જાહેરાત કરી છે. શરદ પવારની મિલકતમાં છ વર્ષમાં 60 લાખ રૂપિયાનો વધારો થયો છે.
વર્ષ 2014માં શરદ પવારની કુલ સંપતિ 32.13 કરોડ રૂપિયાની હતી
આ વખતે વર્ષ 2020માં પવારની કુલ સંપતિ 32.73 કરોડ રૂપિયા થઈ
શરદ પવારે સોંગદનામાં 1 કરોડનું દેવું હોવાનું જાહેર કર્યું છે
શરદ પવાર મહારાષ્ટ્ર વિકાસ અઘાડી તરફથી રાજ્યસભાના ઉમેદવાર છે. વર્ષો સુધી રાજ્યસભાના સભ્ય રહેલાં શરદ પવાર ફરી એકવાર રાજ્યસભામાં જશે. બુધવારે પવારે મહારાષ્ટ્ર વિધાનસભાના સેક્રેટરીની ઓફિસથી પોતાનું ઉમેદવારી પત્ર ભર્યું છે. આ સાથે પવારે રજુ કરેલાં સોગંદનામાં તેમની મિલકત 60 લાખ રૂપિયા વધી હોવાનું ધ્યાને આવ્યું છે.
શરદ પવારે પોતાના સોગંદનામામાં એક કરોડ રૂપિયાનું દેવું જાહેર કર્યું છે. આ દેવું તેમના ભત્રીજા અજિત પવારની પત્ની સુનેત્રા પવાર અને પૌત્ર પાર્થ પવારે કરેલાં શૅર ટ્રાન્સફરના બદલામાં એડવાન્સ ડિપોઝિટ તરીકે મળ્યા છે. વર્ષ 2014ની રાજ્યસભા ચૂંટણીમાં પવારે 20.47 કરોડ રૂપિયાની અસ્થાયી સંપત્તિ અને 11.65 કરોડ રૂપિયાની સ્થાયી સંપત્તિ સહિત કુલ 32.13 કરોડ રૂપિયાની કુલ સંપત્તિ જાહેર કરી હતી. જોકે, એ સમયે પવારે કોઇપણ પ્રકારની દેનદારીનો ઉલ્લેખ નહોતો કર્યો.
બુધવારે દાખલ શપથપત્ર મુજબ, પૂર્વ કેન્દ્રીય મંત્રી પવારે 25,21,33,329 રૂપિયાની ચલ સંપત્તિ અને 7,52,33,941 રૂપિયાની અચલ સંપત્તિ સહિત કુલ 32.73 કરોડ રૂપિયાની કુલ સંપત્તિ જાહેર કરી છે. બુધવારે દાખલ શપથપત્રમાં ઉલ્લેખ કરાયો છે કે પવારની પત્ની પ્રતિભા પવારને સુનેત્રા પવારની તરફથી શૅર ટ્રાન્સફરના બદલામાં એડવાન્સ ડિપોઝિટ તરિકે 50 લાખ રૂપિયા મળ્યા છે.
અવિભાજિત હિન્દૂ પરિવારના નિયમોનુસાર, શરદ પવારને પોત્ર પાર્થ પવારની તરફથી શૅર ટ્રાન્સફરના બદલામાં એડવાન્સ ડિપોઝિટ રૂપે 50 લાખ રૂપિયા મળ્યા છે. આ પ્રકારે તેમની કુલ દેનદારી એક કરોડ રૂપિયા છે.