ચીનના ઓદ્યોગિક શહેર ગણાતા શંઘાઈમાં સોમવારથી લોકડાઉન લાગી રહ્યું છે.
ચીનના શંઘાઈમાં સોમવારથી લોકડાઉન
ઓમિક્રોનથી મચી રહ્યો છે હાહાકાર
દુનિયામાં પણ વધવા લાગ્યા કોરોના કેસ
ચીનમાં ઓમિક્રોનની નવી લહેર ચાલી રહી છે અને દરરોજ રેકોર્ડબ્રેક કેસ આવી રહ્યાં છે આનાથી તંત્ર હરકતમાં આવ્યું છે અને સોમવારથી શહેરમાં લોકડાઉન લાગુ પાડવામાં આવી રહ્યું છે. આ પહેલા તિનજિઆંગ શહેર સહિત બીજા કેટલાક શહેરોમાં પણ લોકડાઉન લાગુ પાડવામાં આવ્યું હતું.
રવિવારે ઓમિક્રોનના 19 કેસ નોંધાતા ફફડાટ
ચીનના સૌથી મોટા શહેર શંઘાઈમાં રવિવારે ઓમિક્રોનના 19 કેસ નોંધાતા ફફડાટ વ્યાપ્યો હતો અને આથી તંત્ર દ્વારા તબક્કાવાર લોકડાઉન લાગુ પાડવાનો નિર્ણય કરાયો છે.
ઓમિક્રોન મચાવી રહ્યો છે કહેર
ચીનના ઘણા શહેરોમાં ઓમિક્રોનની લહેર ચાલી રહી છે. તંત્ર દ્વારા ઓમિક્રોનને કાબુમાં લેવા આકરા પગલાં ભરવામાં આવી રહ્યાં છે.
દુનિયામાંથી હજુ કોરોના ગયો નથી
ચીન, કોરિયા, અમેરિકા તથા યુરોપના દેશોમાં હજુ પણ કોરોના કેસ આવી રહ્યાં છે એટલે કોરોના હજુ ગયો નથી તેવું સ્પસ્ટપણે લાગી રહ્યું છે.
ભારતમાં ઓમિક્રોન નબળો પડ્યો
ઓમિક્રોન વેરિએન્ટના કારણે ગત લહેર પ્રમાણિત રીતે બીજી લહેરની સરખામણી ખૂબ જ હળવી રહી હતી. નિષ્ણાંતોનું માનવું છે કે, રાષ્ટ્રીય રસીકરણ અભિયાનના માધ્યમથી ઉભી થયેલી હર્ડ ઈમ્યુનિટી અને પ્રાકૃતિક એન્ટીબોડી તેની પાછળનું મહત્વનું કારણ છે.ભારતમાં રવિવારે 1761 નવા કોરોના વાયરસ સંક્રમણના કેસો નોંધાયા, જે લગભગ 688 દિવસમાં સૌથી ઓછા છે. દેશમાં સોમવારે 1549 કોરોના વાયરસના કેસ રેકોર્ડ કરવામાં આવ્યા. મંગળવારે 1581 કેસો નોંધાયા. જો કે, બુધવાર અને ગુરૂવારને કેસો થોડા વધ્યા, જે ક્રમશ: 1778 અને 1938 નવા કેસો નોંધાયા છે. પાંચ રાજ્યો અને કેન્દ્ર શાસિત પ્રદેશો, અરુણાચલ પ્રદેશ, ચંદીગઢ, લક્ષદ્વિપ, પુડુચેરી અને દાદર તથા નગર હવેલીમાં એક પણ કોરોનાનો નવો કેસ નોંધાયો નથી.