શાહિદ આફ્રિદીએ વર્ષ 2005માં ઈંગ્લેન્ડ સામે ફેસલાબાદ ટેસ્ટમાં પિચ પરથી છેડછાડ કરી હતી. હવે આ મામલે તેમણે એક ખુલાસો કર્યો છે.
શાહિદ આફ્રિદીએ 17 વર્ષ જૂના એક ચર્ચિત મામલા પરથી ઉઠાવ્યો પડદો
શાહિદ આફ્રિદીએ વર્ષ 2005માં ઈંગ્લેન્ડ સામેની ટેસ્ટમાં પિચ પર કરી હતી છેડછાડ
મેચ કંટાળાજનક બની હતી. મારી સંપૂર્ણ તાકાત લગાવ્યાં બાદ પણ કશુ થતુ ન હતુ
શાહિદ આફ્રિદીએ 17 વર્ષ જૂના એક ચર્ચિત મામલા પરથી પડદો ઉઠાવ્યો
પાકિસ્તાનના પૂર્વ ક્રિકેટર શાહિદ આફ્રિદીએ 17 વર્ષ જૂના એક ચર્ચિત મામલા પરથી પડદો ઉઠાવ્યો છે. આ એ મામલો છે, જ્યારે શાહિદ આફ્રિદીને પિચ પરથી છેડછાડ કરવાને કારણે એક ટેસ્ટ અને બે વન-ડે મેચ રમવા પર પ્રતિબંધ મુકવો પડ્યો હતો. આફ્રિદીએ હવે આખા કેસને વિસ્તારપૂર્વક વર્ણવ્યો છે.
અને આફ્રિદીએ શોએબ મલિકને કરી હતી વિનંતી
પાકિસ્તાનની એક ટીવી ચેનલ પર વાતચીત કરતા આફ્રિદીએ જણાવ્યું, આ એક સારી સીરીઝ હતી. ફેસલાબાદમાં ટેસ્ટ મેચ રમાઈ હતી. વિશ્વાસ રાખો કે આ ટેસ્ટમાં બોલ ટર્ન પણ નહોતો થતો અને સ્વિંગ અથવા સીમ પણ થતો નહોતો. મેચ કંટાળાજનક બની હતી. હું મારી પોતાની સંપૂર્ણ તાકાત લગાવી રહ્યો હતો. પરંતુ કશુ ઉપજતુ ન હતુ અને પછી અચાનક એક ગેસ સિલિન્ડર ફાટી ગયો અને બધાનુ ધ્યાન તેના તરફ ખેંચાયુ. ત્યારે મેં શોએબ મલિકને કહ્યું કે, મારુ દિલ ઈચ્છી રહ્યું છે કે હું અહીં ખાડો બનાવી દઉં. કમ સે કમ બોલ તો ટર્ન થાય.
પછી શોએબે કહ્યું હતુ, કરી દે ખાડો કોઈ જોઈ રહ્યું નથી
આફ્રિદીએ વધુમાં જણાવ્યું, શોએબે મને કહ્યું કે કરી દે કોઈ જોઈ રહ્યું નથી. તો પછી મેં કરી નાખ્યો અને પછી જે કઈ થયુ તે ઈતિહાસ બની ગયો. જ્યારે હું આ મામલાને યાદ કરુ છુ તો મહેસુસ થાય છે કે તે એક ભૂલ હતી.