સપ્તાહના બીજા કારોબારી દિવસ એટલે કે મંગળવારે શેરબજાર વધારા સાથે ખૂલ્યું. બોમ્બે સ્ટોક એક્સચેન્જના પ્રમુખ ઈન્ડેક્સ સેન્સેક્સ 104.22 અંક એટલે કે 0.26 ટકાના વધારાની સાથે 40388.41ના સ્તરે ખૂલ્યો હતો. નેશનલ સ્ટોક એક્સચેન્જનો નિફ્ટી 29.45 અંક એટલે કે 0.25 ટકાના વધારા બાદ 11913.95ના સ્તરે ખૂલ્યો હતો. મંગળવારે વોડાફોન-આઈડિયા અને ભારતી એરટેલના શેરમાં તેજી જોવા મળી હતી.
આ શેરમાં આવ્યો ઉછાળો
વોડાફોન- આઈડિયા અને એરટેલે વધાર્યા ટેરિફ
ડોલરની સામે ગગડ્યો રૂપિયો
આવી રહી પ્રમુખ શેરોની સ્થિતિ
પ્રમુખ શેરની વાત કરીએ તો મંગળવારે ભારતી એરટેલ, ઇન્ફ્રાટેલ, ગ્રાસિમ, ટેક મહિન્દ્રા, ઇન્ડસઈંડ બેંક, એક્સિસ બેંક, નેસ્લે ઇન્ડિયા, રિલાયન્સ, યસ બેંક અને ઈન્ફોસિસના શેર લીલા અંક સાથે ખૂલ્યા હતા. જ્યારે નીચા ઉતરતા શેરની વાત કરીએ તો તેમાં ગેસ, જી લિમિટેડ, યૂપીએલ, વેદાંતા લિમિટેડ, ટીસીએસ, હિંદુસ્તાન યુનિલીવર, ટીસીએસ, બજાજ ઓટો, કોલ ઈન્ડિયા, કોટક મહિંદ્રા બેંકના શેર પણ સામેલ છે.
વોડાફોન આઈડિયાના શેરમાં આવી તેજી
મંગળવાર સવારે 11.20 વાગ્યે વોડાફોન આઈડિયાના શેરમાં 26.97 ટકા એટલે કે 1.20 અંકનો વધારો જોવા મળ્યો હતો. ત્યારબાદ તે 5.65ના સ્તરે કારોબાર કરી રહ્યો હતો. શરૂઆતના કારોબારમાં તે 4.85ના સ્તરે ખૂલ્યો હતો. જ્યારે છેલ્લા કારોબારી દિવસે તે 4.45ના સ્તરે બંધ થયો હતો.
ભારતી એરટેલના શેરમાં આવી તેજી
મંગળવાર સવારે 11.20 વાગ્યે ભારતી એરટેલના શેરમાં 6.04 ટકા એટલે કે 24.70 અંકનો વધારો જોવા મળ્યો હતો. તેના પછી તે 433.90ના સ્તરે જોવા મળ્યો. શરૂઆતમાં તે 426.90ના સ્તરે ખૂલ્યો હતો. જો કે છેલ્લા દિવસે તે 409.20ના અંક પર બંધ થયો હતો.
આ કારણે થયો વધારો
સોમવારે વોડાફોન- આઈડિયા અને એરટેલે ટેરિફમાં વધારો કરવાનું એલાન કર્યું હતું. એરટેલે પોતાના એક નિવેદનમાં કહ્યું હતું કે એક ડિસેમ્બરે તેના ટેરિફ પ્લાન મોંઘા થશે.
સેક્ટોરિયલ ઈન્ડેક્સ પર નજર
સેક્ટોરિયલ ઈન્ડેક્સ પર નજર કરીએ તો મંગળવારે એફએમસીજી, મેટલ અને મીડિયા લાલ નિશાને પહોંચ્યા હતા. ફાર્મા, પીએસયૂ બેંક, મેટલ, આઈટી અને ઓટો લીલા નિશાને હતા.
પ્રી ઓપન સમયે આવી હતી શેર માર્કેટની સ્થિતિ
પ્રી ઓપન સમયે સવારે 9.10ના સમયે શેર માર્કેટ લીલા નિશાન સાથે ખૂલ્યું. સેન્સેક્સ 171.17 અંક એટલે કે 0.42 ટકાના વધારા બાદ 40455.36ના સ્તરે પહોંચ્યો હતો. જ્યારે નિફ્ટી 34.95 અંક એટલે કે 0.29 ટકાના વધારા બાદ 11919.45ના સ્તરે હતો.
71.91ના સ્તરે ખૂલ્યો રૂપિયો
ડોલરની સરખામણીએ રૂપિયો 7 પૈસાના ઘટાડા સાથે 71.91ના આંક સાથે ખૂલ્યો. છેલ્લા કારોબારી દિવસે તે ડોલરની સરખામણીએ 71.84ના સ્તરે બંધ થયો હતો.
સોમવારે વધારા સાથે ખૂલ્યું હતું બજાર
છેલ્લા કારોબારી દિવસે શેરબજાર વધારા સાથે ખૂલ્યું હતું. સેન્સેક્સ 102.28 અંક એટલે કે 0.25 ટકાના વધારાની સાથે 40458.97ના અંકે ખૂલ્યો હતો. જ્યારે નિફ્ટી 26.70 અંક એટલે કે 0.22 ટકાના વધારા સાથે 11922.15ના અંક પર હતો.
સોમવારે 40284.19ના સ્તરે બંધ થયો હતો સેન્સેક્સ
છેલ્લા કારોબારી દિવસે શેરબજાર મામૂલી ઘટાડાની સાથે બંધ થયો હતો. સેન્સેક્સ 72.50 અંક સાથે 0.18 ટકાના ઘટાડાની સાથે 40284.19ના અંકે બંધ થયો. નિફ્ટી 1.20 અંક એટલે કે 0.01 ટકાના ઘટાડા બાદ 11894.25ના અંકે બંધ થયો હતો.