ગાંધીનગર Gossip / રૂપાણીની હાજરીમાં નીતિન પટેલને જોઈને ‘ગબ્બર આયા...’ના નારા લાગ્યા, જાણો પછી શું થયું

આ બધું જોઈને અધ્યક્ષ રાજેનદ્ર ત્રિવેદીએ જ કહી દીધું કે, હવે જવાબ સાંભળજો ત્યારે..તે વખતે ધારાસભ્ય શૈલેશ પરમારે એવુ કહ્યું કે,'સાહેબ, આ તો બધા નીતિનભાઈને ગબ્બરસિંહ કહી રહ્યા છે ત્યારે ગૃહમાં હાસ્યનુ મોજુ ફરી વળ્યુ હતું.

મારા નામે ચલાવો નહીં, ભાજપમાં જન્મયો છું. ભાજપમાં જ મરીશ

ગૃહમાં તક મળતાં જ નાયબ મુખ્યમંત્રી નીતિન પટેલે પણ પહેલીવાર ફોડ પાડ્યો કે, કોંગ્રેસ વાળા તમે તમે મારા નામે ના ચલાવો, આ બધું. હું ભાજપમાં જન્મયો છુંને, ભાજપમાં જ મરીશ. આ તો ઉમિયાધામમાં જે કહ્યુ્ં તેનો મતલબ એ હતો કે, હું એકલો છુંને, સામે છેડે બધા છે. મારી ચિંતા ના કરો, તમારુ ઘર બચાવો. પોતાની નારાજગીનો વિપક્ષ રાજકીય રીતે ઉપયોગ કરે છે તેમ કહી નીતિન પટેલે બચાવ કર્યો હતો. 

વિધાનસભામાં આવી ઘણી ટીકાઓ અને તેના જવાબમાં જોરદાર કટાક્ષ જોવા મળ્યા હતા. આવા હાલમાં ગૃહમાં મધ્યપ્રદેશની રાજકીય ઉથલ પુથલનો મુદ્દો મુકાયો હતો.  ભાજપે કોંગ્રેસની ટીકા કરવાની એક પણ તક છોડી ન હતી.