ફાયદો / SBI ની નવી સુવિધા, હવે ક્રેડિટ કાર્ડ કે પિન વગર પણ થઇ શકશે પેમેન્ટ

 બેંકે મોબાઇલ ચુકવણી કરવાની નવી સુવિધાનું નામ ‘SBI Card Pay’ આપ્યું છે. તેમાં પોઈન્ટ ઓફ સેલ (POS)મશીનો પર કાર્ડ વગર મોબાઇલ ફોનના માધ્યમથી ચુકવણી કરવાની સુવિધા હોય છે. બેંકની વેબસાઈટ https://sbi.co.in/ પર આપવામાં આવેલી જાણકારી પ્રમાણે, આ સુવિધાનો લાભ લેવા માટે ગ્રાહકોએ પોતાના મોબાઇલ પર ટેપ કરવાનો રહેશે અને તેના માટે POS પર ક્રેડિટ કાર્ડને સ્વાઈપ કર્યા વગર પેમેન્ટ થઈ જશે. તેથી હવે તમારે ક્રેડિટ કાર્ડ રાખવાની અને પિન દાખલ કરવાની જરુર પડશે નહી.

ગ્રાહકો SBI કાર્ડ પેમાં ‘નિઅર ફીલ્ડ કમ્યુનિકેશન’ (NFC) દ્વારા POS પર ચુકવણી કરી શકે છે. આ માટે તેઓએ ફક્ત તેમના મોબાઇલ પર ટેપ કરવું પડશે અને આ માટે તેમને POS પર ક્રેડિટ કાર્ડને સ્વાઇપ કરવાની અથવા પિન દાખલ કરવાની જરૂર રહેશે નહીં. આ ચુકવણી ફક્ત NFC ટેકનીકથી સજ્જ POS મશીનો પર થઈ શકે છે.

કેવી રીતે ઉપયોગ કરી શકાશે

SBI Card Payનો ઉપયોગ કરવા માટે કાર્ડ હોલ્ડર્સે SBI કાર્ડ મોબાઇલ એપ પર તેમના કાર્ડની એક વખત નોંધણી કરવી પડશે. કાર્ડની નોંધણી થયા બાદ ગ્રાહકો માટે ચુકવણી કરવી સરળ બની જશે. ફોનને અનલૉક કરીને મોબાઇલને પોઇન્ટ ઑફ સેલ (POS)ટર્મિનલને નજીક લાવતા જ પેમેન્ટ થઇ જશે.

SBI કાર્ડ આ સુવિધાને વિઝા પ્લેટફોર્મ પર લૉન્ચ કરવામાં આવી છે અને તેનો ઉપયોગ કોઈપણ એન્ડ્રોઈડ સ્માર્ટફોન પર થઈ શકે છે જેમાં એન્ડ્રૉઇડ ઓએસ (KitKat) વર્ઝન 4.4 અને તેનાથી ઉપર એટલે કે એપરેટિંગ સિસ્ટમ (OS) હશે.

2 હજાર રૂપિયા સુધી કરી શકાય છે પેમેન્ટ

SBI Card Pay ગ્રાહકોની ઈચ્છા પ્રમાણે ટ્રાન્ઝેક્શન અને દૈનિક ટ્રાન્ઝેક્શનની મર્યાદા સેટ કરવાની મંજૂરી આપશે. સાથે તેમાં દરરોજ ટ્રાન્ઝેક્શનની મર્યાદા નક્કી કરવાની છૂટ મળે છે. અત્યારે અન્ય હોસ્ટ કાર્ડ એમ્યુલેશન (HCE)એપ ગ્રાહકોને 2000 રૂપિયા અને દિવસ દીઠ 10000 રૂપિયા સુધીના ટ્રાન્ઝેક્શન કરવાની છૂટ આપે છે.