SBI PO ભરતી 2022 માટેની ઓનલાઈન અરજી પ્રક્રિયા આજથી એટલે કે 22 સપ્ટેમ્બર 2022 થી શરૂ થઈ ગઈ છે.
સ્ટેટ બેંક ઓફ ઈન્ડિયામાં પ્રોબેશનરી ઓફિસર (PO) ભરતી બહાર પડી
આજથી કરીને 12 ઓક્ટોબર સુધીમાં ઓનલાઈન અરજી કરી શકાય
SBIમાં પ્રોબેશનરી ઓફિસરની કુલ 1,673 વેકેન્સી છે.
સરકારી બેંકમાં પ્રોબેશનરી ઓફિસર (PO) ની નોકરી કરનારાઓ માટે શાનદાર તક છે. સ્ટેટ બેંક ઓફ ઈન્ડિયા (SBI) એ પ્રોબેશનરી ઓફિસર (PO) ભરતી 2022 ની નોટોફિકેશન જારી કરી દીધી છે. SBI PO ભરતી 2022 માટેની ઓનલાઈન અરજી પ્રક્રિયા આજથી એટલે કે 22 સપ્ટેમ્બર 2022 થી શરૂ થઈ ગઈ છે. SBIની વેબસાઈટ sbi.co.in પર જઈને આજથી કરીને 12 ઓક્ટોબર સુધીમાં ઓનલાઈન અરજી કરી શકાય છે. નોટોફિકેશન મુજબ SBIમાં પ્રોબેશનરી ઓફિસરની કુલ 1,673 વેકેન્સી છે.
SBI PO ભરતી 2022 માટેની અરજી પ્રક્રિયા પૂરી થયા પછી પ્રારંભિક પરીક્ષાનું આયોજન 17 થી 20 ડિસેમ્બર 2022 સુધી કરવામાં આવશે. જે ઉમેદવારો SBI PO પ્રારંભિક પરીક્ષામાં પાસ થશે તેઓ જ SBI PO ભરતીની મુખ્ય પરીક્ષા અને એ પછી સાયકોમેટ્રિક ટેસ્ટ આપી શકશે. જણાવી દઈએ કે SBI PO માટે ઉમેદવારો પાસે ઓછામાં ઓછી કોઈ પણ બેચલર ડિગ્રી હોવી જરૂરી છે અને ઉંમર વધુમાં વધુ 30 વર્ષ હોવી જોઈએ.
SBI PO ભરતીની મહત્વની તારીખો
SBI PO ભરતી 2022 નોટિફિકેશન - 21 સપ્ટેમ્બર
SBI PO ભરતી 2022 અરજી શરૂ - 22 સપ્ટેમ્બર
SBI PO ભરતી 2022 અરજીની છેલ્લી તારીખ - 12 ઑક્ટોબર
SBI PO ભરતી 2022 પ્રારંભિક પરીક્ષા - 17-20 ડિસેમ્બર
SBI PO ભરતી 2022 પ્રારંભિક પરીક્ષા એડમિટ કાર્ડ - ડિસેમ્બર 2022 ના પહેલા અથવા બીજા અઠવાડિયામાં
SBI PO માટે શૈક્ષણિક લાયકાત
SBI PO ભરતી માટે ઉમેદવારોએ કોઈ પણ માન્ય યુનિવર્સિટીમાંથી ગ્રેજ્યુએશન કર્યું હોવું જોઈએ. આ સાથે જ જે ઉમેદવારો ફાઇનલ સેમેસ્ટર અથવા યરમાં છે એ લોકો પણ અરજી કરી શકે છે પણ એવા ઉમેદવારોએ ઇન્ટરવ્યુ સમયે 31મી ડિસેમ્બર 2022 પહેલા પાસ થયાનો પ્રૂફ આપવો પડશે.