નોકરી / વગર પરીક્ષાએ SBIમાં નોકરીની તક, વિવિધ 4 પોસ્ટ પર બહાર પડી બમ્પર ભરતી, જાણો કઈ રીતે કરશો એપ્લાય

• SBIમાં નોકરીની સૌથી સારી તક 
• વગર પરીક્ષાએ નોકરીની તક 
• જાણો સંપૂર્ણ ડિટેલ્સ 

સ્ટેટ બેંક ઓફ ઈન્ડિયાએ (SBI) વિવિધ જગ્યાઓની ભરતી માટે જાહેરનામું બહાર પાડ્યું છે. આ ભરતી પ્રક્રિયા દ્વારા કુલ 32 જગ્યાઓ પર ભરતી કરવામાં આવશે. જરૂરી લાયકાત અને અનુભવ ધરાવતા ઉમેદવારો 12 જૂન 2022 સુધી ઓનલાઈન અરજી કરી શકે છે. 

એજીએમ, ડેપ્યુટી મેનેજર અને મેનેજર માટે કુલ 32 જગ્યાઓ છે. ઉમેદવારોની પસંદગી શોર્ટલિસ્ટિંગ અને ઇન્ટરવ્યુના આધારે થશે. ઉમેદવારો અહીં શૈક્ષણિક લાયકાત, અનુભવ, પસંદગીના માપદંડ અને અન્ય વિગતો જોઈ શકે છે.

કુલ કેટલી જગ્યાઓ પર થશે ભરતી? 
આ ભરતી પ્રક્રિયા દ્વારા, વિવિધ વિભાગોમાં એજીએમની 4 જગ્યાઓ ભરવામાં આવશે. મેનેજરની 2 જગ્યાઓ, ડેપ્યુટી મેનેજર (નેટવર્ક એન્જિનિયર)ની 6 જગ્યાઓ, ડેપ્યુટી મેનેજર (સાઇટ એન્જિનિયર કમાન્ડ સેન્ટર)ની 6 જગ્યાઓ અને ડેપ્યુટી મેનેજર (સ્ટેટિસ્ટિશિયન)ની 5 જગ્યાઓ ભરવાની છે. આ પદો માટે અરજી કરવા માંગતા ઉમેદવારોએ sbi.gov.in પર જઈને અરજી કરવાની રહેશે.

કેટલી છે વય મર્યાદા?
વય મર્યાદા વિશે વાત કરીએ તો AGMની પોસ્ટ માટે અરજી કરવા માટે ઉમેદવારોની વય મર્યાદા 45 વર્ષ રાખવામાં આવી છે. ત્યાં જ મેનેજર પદ માટે અરજી કરવાની વય મર્યાદા 38 વર્ષ રાખવામાં આવી છે. આ સિવાય ડેપ્યુટી મેનેજરના પદ માટે અરજી કરવાની વય મર્યાદા 35 વર્ષ રાખવામાં આવી છે.

કયા પદ માટે કેટલી યોગ્યતા?

• AGMમાટે, ઉમેદવાર BE/B.Tech અને તેની સમકક્ષ ડિગ્રી ધારક હોવો જોઈએ અને ઓછામાં ઓછા 60% માર્કસ હોવા જોઈએ.
• Deputy Manager (Statistician) માટે ઉમેદવારે 60% માર્ક્સ સાથે સ્ટેટિસ્ટિક્સ/ એપ્લાઇડ સ્ટેટિસ્ટિક્સ/ ઇકોનોમિક્સમાં ડિગ્રી પાસ કરેલી હોવી જોઈએ.
• Deputy Manager (Site Engineer Command Centre)ના પદ માટે અરજી કરવા માટે, ઉમેદવારો પાસે સંબંધિત વિષયમાં BE/B.Tech અથવા તેની સમકક્ષ ડિગ્રી હોવી જોઈએ.
• Deputy Manager (Network Engineer)ની પોસ્ટ માટે અરજી કરવા માટે, ઉમેદવારો પાસે સંબંધિત વિષયમાં BE/B.Tech અથવા તેની સમકક્ષ ડિગ્રી હોવી જોઈએ.
• Manager (IT Security Expert)ની પોસ્ટ માટે અરજી કરવા માટે, ઉમેદવારો પાસે સંબંધિત વિષયમાં BE/B.Tech અથવા તેની સમકક્ષ ડિગ્રી હોવી જોઈએ. તે જ સમયે, ઉમેદવારને ઓછામાં ઓછા 60 ટકા ગુણ હોવા જોઈએ.

ક્યાં સુધી અરજી કરી શકાશે
રસ ધરાવતા ઉમેદવારો 12 જૂન 2022ના રોજ અથવા તે પહેલાં ઓનલાઈન અરજી કરી શકે છે. ઓનલાઈન અરજી સબમિટ કર્યા પછી, ઉમેદવારો અરજી ફોર્મની પ્રિન્ટઆઉટ લઈ શકે છે.