Budget 2019 / જાણો મોદી સરકારે બજેટમાં શું સસ્તું કર્યું અને શું મોંઘું?

દેશના પ્રથમ પૂર્ણકાલિન મહિલા કેન્દ્રીય નાણા મંત્રી નિર્મલા સીતારમણ મોદી સરકાર બીજા કાર્યકાળનું પ્રથમ બજેટ શુક્રવારે સંસદમાં રજૂ કરવામાં આવ્યું છે.  ત્યારે આ બજેટમાં શું સસ્તું અને શું મોંઘું થયું ?

સસ્તું 

ઇ-વ્હિકલ સસ્તા થયા છે જ્યારે હોમ લોન પણ સસ્તી થઇ છે. સાથે સાબુ, શેમ્પુ, માથાનું તેલ, ટૂથપેસ્ટ, ડિટર્જન્ટ, વીજળીના ઘરેલૂ સામાન જેવા કે પંખા, લેમ્પ, બેગ, સેનિટરી વેયર, બોટલ, કન્ટેનર, રસોઇમાં ઉપયોગમાં લેવાતા સામાન(વાસણ), ગાદલુ, તકિયો, ચશ્માને ફ્રેમ, વાંસનું ફર્નિચર, પાસ્તા, મયોનેઝ, અગરબત્તી, મીઠું, નારિયેળ, સેનેટરી નેપકિન, ઊન અને ઊનના દોરા સસ્તા થયા છે.

હોમ લોન સસ્તી

હોમ લોન લેનારાઓ માટે નાણામંત્રીએ બજેટમાં કેટલીક મહત્વપૂર્ણ જાહેરાતો કરી છે. જો તમે હોમ લોન લઇ ઘર ખરીદવાનું વિચારી રહ્યા છો અથવા ખરીદી ચૂક્યા છો અને તેમની EMI ભરી રહ્યા છો તો તમારા માટે બજેટ ખુશ ખબર છે. હોમ લોનના વ્યાજની ફરી ભરપાઇ પહેલા જ્યારે વાર્ષિક 3 લાખ સુધી છૂટ મળતી હતી, તેને વધારીને હવે 3.5 લાખ રૂપિયા કરવામાનો પ્રસ્તાવ કરવામાં આવ્યો છે. એટલે હવે તમે હોમ લોનના વ્યાજની ચૂકવણી પર 3.5 લાખ રૂપિયા સુધી કપાતનો લાભ ટેક્સમાં મેળવી શકશો.

ઇ વ્હિકલ સસ્તું

ઈલેક્ટ્રિક વ્હીકલ વાહન તરફ લોકોનો ઝોક વધે તે માટે માટે જો લોન લેવામા આવી હશે તો તે ચૂકવવામાં ટેક્સમાં 1.5 લાખ રૂપિયા સુધીની છૂટ આપવામાં આવશે. ઈલે. કાર પર 4 ટકા ટેક્સ લાગશે. દેશભરમાં ઈલેક્ટ્રીક વાહન વધે તે દિશામાં કામ કરવામાં આવશે. તેમજ દેશભરમાં ઈલેક્ટ્રિક વાહન માટે ચાર્જિંગ પોઈન્ટ બનાવાશે.
 

મોંઘું

આયાત ટેક્સમાં વધારો કરવાથી કેટલાક વસ્તુઓના ભાવ વધ્યા છે. જેમાં પેટ્રોલ-ડિઝલ, સોનું, કાજૂ મોંઘા થયા છે. વિદેશી પુસ્તકો પર પાંચ ટકા ટેક્સ લાગશે. ઑટો પાર્ટસ, સિંથેટિક રબર, માર્બલ, પીવીસી, ટાઇલ્સ પણ મોંઘી થઇ જશે. તંબાકૂ ઉત્પાદન પણ આ બજેટમાં મોંઘુ થઇ જશે. સોના સિવાય ચાંદી અને મોંઘી ધાતૂના ઘરેણા પણ મોંઘા થયા છે. ઓપ્ટિકલ ફાયબર, સ્ટેનલેસ ઉત્પાદન, મેટલ ફિટિંગ, ફ્રેમ અને સામાન, એસી, લાઉડસ્પીકર, વીડિયો રેકોર્ડર, સીસીટીવી કેમેરા, વાહનના હૉર્ન, સિગરેટ સહિતની વસ્તુઓ મોંઘી થઇ છે.

પેટ્રોલ-ડીઝલ મોંઘું

મોદી સરકારે આ બજેટમાં પેટ્રોલ-ડીઝલ મોંઘુ કરી દીધું છે. પેટ્રોલ અને ડીઝલ પર 1-1 રૂપિયા એક્સાઇઝ ડ્યૂટી વધારી દેવામાં આવી છે. આ પ્રકારે તમામ સામાન્ય લોકોને આ બજેટથી ઘરના બજેટના મોરચે ઝટકો લાગ્યો છે. 

સોનું-ચાંદી મોંઘું

સોનુ-ચાંદી ખરીદનારાઓ માટે બજેટ રાહતનું નથી. બજેટમાં સોનું-ચાંદી મોંઘા થયા છે. કારણ કે આ સોના-ચાંદી જેવી કિંમતી ધાતુ પર કસ્ટમ ડ્યુટી વધારવામાં આવી છે. કિંમતી ધાતુ પર કસ્ટમડ્યુટી 10 ટકાથી વધારી 12.50 ટકા કરાઈ છે.