સાણંદના એક પરિવારને આંગણે દીકરીનો જન્મ થતાં આ પરિવાર દ્વારા યાત્રાધામ અંબાજીમાં સોનાનું દાન કરવામાં આવ્યું હતું.
સાણંદના પરિવારે દીકરી જન્મ માટે માનતા રાખી હતી
13.11 લાખના સોનાનું માતાજીને દાન કર્યું
50 ગ્રામનું 1 બિસ્કીટ અને 1 ગ્રામ સોનાની લગડી દાનમાં આપી
નવરાત્રીના પાવન પર્વ નિમિતે કરોડો ભક્તોની આસ્થાના અખૂટ સાગર સમાન યાત્રાધામ અંબાજીમાં વધુ એક ભક્ત દ્વારા દાન કરવામાં આવ્યું છે. સાણંદના એક પરિવાર દ્વારા દીકરી જન્મ માટે માતાજીની માનતા રાખવામાં આવી હતી. ત્યાંરબાદ તેમને ત્યાં દીકરી જન્મના વધામણાં થતા આ પરિવારે અંબાજી મંદિરને 251 ગ્રામ સોનાનું દાન આપ્યું હતું. સાણંદના પરિવારે માનતા પુરી કરી 13.11 લાખના 50 ગ્રામનું 1 બિસ્કીટ અને 1 ગ્રામ સોનાની લગડી દાનમાં આપી હતી.
અંબાજી મંદિરને 251 ગ્રામ સોનાનું દાન મળ્યું
ઉલ્લેખનીય છે કે આજના યુગમાં દીકરી જન્મને લઇને મહિલા સાથે સાસરિયાં પક્ષ દ્વારા મારપીટ કરવાના અને તેને માનસિક રીતે પરેશાની આપવી અથવા ટોણા મારવા સહીતની અનેક ઘટનાઑ સામે આવતી હોય છે. ત્યારે સાણંદના પરિવારે દીકરી જન્મને યશસ્વી ગણાવી ગોલ્ડન ટેમ્પલ તરીકે અગ્રેસર યાત્રાધામ અંબાજી મંદિરમાં સોનાનું દાન કરી સમાજમાં નવો ચીલો ચીતર્યો છે અને દિકરો-દિકરી એક સમાનની ભાવનાને ચરીતાર્થ કરી છે.
અગાઉ સોનાના મુગટનું દાન મળ્યું મળ્યું હતું
અગાઉ જુલાઇ માસમાં અંબાજી મંદિરમાં એક ભક્ત દ્વારા 21 લાખનું દાન આપવામાં આવ્યું હતું. રાજસ્થાનના એક ભક્ત દ્વારા મંદિરમાં 21 લાખનું દાન કરાયું હતું. રાજસ્થાનના દાતા દેવેન્દ્ર શર્માએ બનાસકાંઠા કલેકટરની હાજરીમાં 21 લાખનો ચેક અર્પણ કર્યો હતો. દાતાએ બનાસકાંઠા કલેક્ટરની હાજરીમાં 21 લાખનો ચેક અર્પણ કર્યો હતો. તેમજ જુન માસમાં અંબાજી મંદિરને સોનાના મુગટનું દાન મળ્યું હતું. ભક્તો દ્વારા સોનાના દાનનો અવિરત પ્રવાહ પણ જોવા મળી રહ્યો છે. 118.75 ગ્રામ આ મુકટનું વચન છે જેની કિમંત રૂપિયા 5 લાખ 52 હજાર છે. માં અંબાના અમદાવાદના ભક્તે સોનાના મુગટનું દાન કર્યું હતું.