સલમાન ખાન અને કેટિરના કૈફની ફિલ્મ 'ભારત' બોક્સ ઑફિસ પર સારી કમાણી કરી શકે છે. તાજેતરમાં જ સલમાન ખાને તે પરિવાર માટે 'ભારત' ની સ્ક્રીનિંગ રાખીને જેમણે 1947ના ભાગલા જોયા.
સલમાન ખાને આ સ્પેશિયલ સ્ક્રીનિંગ મહબૂબ સ્ટૂડિયોમાં રાખી. સલમાન ખાન આ પરિવારને મળ્યો અને પોતાના સોશ્યલ મીડિયા એકાઉન્ટ પર ફોટો પણ શૅર કરી.
Special screening of #Bharat for the real families who experienced the events of 1947 and the partition. Honoured to meet all of them! Salute to the real #Bharat families pic.twitter.com/sThayWsMZr
સલમાન ખાનના આ ફોટોઝ જોઇને સોશ્યલ મીડિયા પર તેની વાહવાહી થઇ રહી છે. ફોટો શૅર કરતા સલમાન ખાને કેપ્શન લખ્યુ કે, ''આ પરિવારે 1947ના ભાગલા જોયા છે. આજે તેમના માટે ભારતની સ્પેશિયલ સ્ક્રીનિંગ રાખી. આ પરિવારને મળી ખુશી થઇ રહી છે. ભારતના આ પરિવારને મારી સલામ'
આ ફોટોઝમાં સલમાન પરિવારના સૌથી વુદ્ઘ મહિલા પાસે બેસી ગયો છે અને તેની વાતો સાંભળી રહ્યો છે. આ મહિલાએ સલમાનને કહ્યુ કે તેમને ફિલ્મનો ટ્રેનવાળો સીન સૌથી વધારે પસંદ આવ્યો. આ સ્ક્રીનિંગમાં સલમાન સિવાય કેટિરના કૈફ પણ હાજર હતી.
'ભારત' ના બૉક્સ ઑફિસ કલેક્શનની વાત કરવામાં આવે તો ફિલ્મે 7 દિવસમાં 167 કરોડ રૂપિયાની કમાણી કરી દીધી છે. ‘ભારત’ ફિલ્મના ડિરેક્ટર-રાઇટર અલી અબ્બાસ ઝફર છે. ‘ભારત’ કોરિયન ફિલ્મ ‘ઓડ ટૂ માય ફાધર’ની હિંદી રિમેક છે. સલમાન અને કેટરીના ઉપરાંત ફિલ્મમાં તબુ, જેકી શ્રોફ, સુનિલ ગ્રોવર, આસિફ શૈખ, સોનાલી કુલકર્ણી, દિશા પટની અને નોરા ફતેહી પણ છે. ફિલ્મના પ્રોડ્યૂસર્સ અતુલ અગ્નિહોત્રી, ભૂષણ કુમાર અને નિખિલ નમિત છે.
અલી અબ્બાસની સાથે આ સલમાનની ત્રીજી ફિલ્મ છે. આ પહેલા બંને 'સુલ્તાન' અને 'ટાઇગર ઝિંદા હૈ' માં એક સાથે કામ કર્યુ હતુ. હવે સલમાન સંજય લીલા ભણસાલીની ફિલ્મ 'ઇન્શાઅલ્લાહ'ની તૈયારી કરી રહ્યો છે. આ ફિલ્મમાં તેની સાથે આલિયા ભટ્ટ પણ જોવા મળશે.