બિગ બોસ 15માં આ અઠવાડિયે ખૂબ હોબાળો થયો. કોઈ દોસ્ત તો કોઈ દુશ્મન બન્યું. તો કોઈકના સંબંધમાં તિરાડ પડી. તો આ વખતે સલમાન ખાનના નિશાને રાખી સાવંતનો પતિ રિતેશ આવ્યો છે. અપકમિંગ શોનો જે પ્રોમો સામે આવ્યો છે જેમાં રિતેશ રાખી સાવંત સાથે ઉંચા અવાજે વાત કરી રહ્યો છે. તેથી સલમાન ખાને તેને આ રીતે વાત કરવાની ના પાડી અને વોર્નિંગ આપી છે.
સલમાન ખાને રિતેશને કહ્યું કે તમારામાં વાત કરવાની સભ્યતા છે કે નહીં
ફરહા ખાને પણ રિતેશને સમજાવ્યો હતો
આ અઠવાડિયે રિતેશે ઘણી વખત રાખી સાવંત સાથે ઉંચા અવાજે વાત કરી. તેની પર બૂમો પાડી છે. ગયા અઠવાડિયે પણ ફરાહ ખાને રિતેશને સમજાવ્યો હતો કે તે રાખી સાથે આ રીતે વાતચીત ના કરે. પરંતુ રિતેશ ન માન્યો. તેણે ક્યારેક રાખીને પોતાના માથાનો દુ:ખાવો ગણાવ્યો તો ઘણી વખત તેની પર જોરથી બૂમો પાડી. રિતેશે રાખીની સાથે જે રીતે નેશનલ ટેલીવિઝન પર ઉદ્ધતાઈભર્યુ વર્તન કર્યુ છે. તેનાથી સલમાન ખાન ગુસ્સે ભરાયા છે અને તેથી રિતેશને સંભળાવવામાં સલમાન ખાને કોઈ કસર બાકી રાખી નથી.
પ્રોમોમાં રિતેશને આક્રોશભર્યા અંદાજમાં સલમાન ખાને કહ્યું કે રિતેશ મોટા-મોટા માણસો પણ પોતાની પત્નીઓ સાથે આ રીતે વાતચીત કરતા નથી એવી રીતે તમે કરી રહ્યાં છો. તમારામાં વાત કરવાની સભ્યતા છે કે નહીં? તમે છો કોણ? તમે આ શોમાં કોના કારણે આવ્યાં છો. રાખીના કારણે. તમને કોણ ઓળખતુ હતુ. આખુ ભારત તમને રાખીના કારણે ઓળખે છે. જો તમે રાખી સાથે ઉંચા અવાજમાં ફરીથી વાતચીત કરી છે તો તમારા માટે સારું નહીં રહે.