- રશિયન સેના લુહાન્સ્ક પ્રાંત પર કબજો કરવાની નજીક
- યુક્રેનના પ્રમુખ ઝેલેન્સકી રશિયન હુમલાથી સ્તબ્ધ
- સતત ભીષણ ગોળીબારથી લોકો ડરી ગયા: લુહાન્સ્કના ગવર્નર
રશિયા હાલમાં યુક્રેનના શહેરો પર હુમલો કરી રહ્યું છે જેને લઈ ઝેલેન્સકી ગુસ્સે છે. આ તરફ રશિયાએ પોતાની રણનીતિ બદલતા યુક્રેનના મુખ્ય શહેરો પર હુમલા શરૂ કરી દીધા છે. જોકે રશિયાને પણ આમાં મોટી સફળતા મળી રહી છે, જેથી યુક્રેન આ મોટા શહેરોમાંથી પોતાનો કબજો ગુમાવી રહ્યું છે. હાલમાં, રશિયા ડોનેત્સ્કમાં ભયાનક હુમલો કરી રહ્યું છે. આ સાથે લુહાન્સ્ક શહેર પણ ટૂંક સમયમાં તેના કબજામાં આવશે. આવી સ્થિતિમાં રાષ્ટ્રપતિ વોલોડીમિર ઝેલેન્સકીની મુશ્કેલીઓ વધવાની છે.
રશિયન સેના લુહાન્સ્ક પ્રાંત પર કબજો કરવાની નજીક
રિપોર્ટ મુજબ રશિયન સેના લુહાન્સ્ક પ્રાંત પર કબજો કરવાની નજીક છે. જો કે તેમનો મુકાબલો યુક્રેનિયન સેના દ્વારા કરવામાં આવી રહ્યો છે. પરંતુ આ પ્રાંત પર રશિયાનો કબજો નિશ્ચિત છે. સમાચાર અનુસાર, રશિયન સેનાએ લુહાન્સ્કના લિસિચાંસ્ક શહેરને સંપૂર્ણ રીતે ઘેરી લીધું છે અને ત્યાં ભારે તોપમારો થઈ રહ્યો છે
લુહાન્સ્કના ગવર્નરે શુ કહ્યું ?
આ તરફ હવે લુહાન્સ્કના ગવર્નરે કહ્યું કે, રશિયન સેનાના ગોળીબાર લિસિચાંસ્ક શહેરના લોકો માટે આફત બનીને આવ્યા હતા. સતત ભીષણ ગોળીબારથી લોકો ડરી ગયા છે. બાકી રહેલા નાગરિકો તેમના ઘરોમાં કેદ છે અને તેમનું ભવિષ્ય શું હશે તે કહી શકાય નહીં. સમાચાર મુજબ યુક્રેનના ડોનેસ્કમાં ભીષણ લડાઈ ચાલી રહી છે. રશિયન સંરક્ષણ મંત્રાલયે દાવો કર્યો છે કે રશિયન સેનાએ લિસિચાંસ્ક ઓઇલ રિફાઇનરી પર કબજો કરી લીધો છે.
