- રોયલ ચેલેન્જર્સ બેંગ્લોર અને રાજસ્થાન રોયલ્સન વચ્ચે જોરદાર મુકાબલો
- બેંગ્લોરે રાજસ્થાન રોયલ્સને સાત રનથી હરાવ્યું
- રાજસ્થાનને આપ્યો હતો 190 રનનો ટાર્ગેટ
IPL 2023માં આજે (23 એપ્રિલ, રવિવાર) એમ ચિન્નાસ્વામી સ્ટેડિયમમાં રોયલ ચેલેન્જર્સ બેંગ્લોર અને રાજસ્થાન રોયલ્સન વચ્ચે જોરદાર મુકાબલો ખેલાયો હતો. ચોગ્ગા, છગાના વરસાદ વચ્ચે રોયલ ચેલેન્જર્સ બેંગ્લોરે રાજસ્થાન રોયલ્સને સાત રનથી હરાવ્યું હતું. RCBએ જોરદાર ઇનિંગ્સ રમી જીતવા માટે રાજસ્થાનને 190 રનનો ટાર્ગેટ આપ્યો હતો. બાદમાં 20 ઓવર રમવા પણ રાજસ્થાન જીત સુધી ન પહોંચતા RCBની જીત થઇ હતી. આ જીત પાછળ હીરો ગ્લેન મેક્સવેલ અને ફાફ ડુ પ્લેસિસ હતા, આ બંનેમાં મેક્સવેલે 77 અને ફાફ ડુ પ્લેસિસે 62 રનનું યશ્વસવી યોગદાન આપ્યું હતું.
190 રનના ટાર્ગેટ પૂર્ણ કરવા ઉતરેલી રાજસ્થાન ટીમનો આરંભ જ ખરાબ રહ્યો હતો કારણ કે માત્ર એક રનમાં જોસ બટલર પરત ફર્યો હતો. જેને મોહમ્મદ સિરાજે બોલ્ડ કર્યો હરો.. આ પછી યશસ્વી જસવાલ અને દેવદત્ત પડિકલ વચ્ચે બીજી વિકેટ માટે 98 રનની ભાગીદારી થઈ હતી. પડિકલે 34 બોલમાં 52 રન બનાવ્યા જેમાં સાત ચોગ્ગા અને એક છગ્ગાનો સમાવેશ થાય છે. ડેવિડ વિલીએ પડિક્કલને કોહલીના હાથે કેચ આઉટ કરાવીને જોડી તોડી નાખી હતી.
જસ્થાન જીતથી દૂર રહયુ
ત્યારબાદ જયસ્વાલની વિકેટ પડી હતી. જેનો હર્ષલ પટેલની બોલિંગ પર કોહલીએ કેચ કર્યો હરો. યશસ્વીએ 37 બોલમાં 47 રન બનાવ્યા જેમાં પાંચ ચોગ્ગા અને બે છગ્ગાનો સમાવેશ થાય છે. બાદમાં સંજુ સેમસન પર ચાહકોને આશા હતી. જેમા ખરા ઉતરવા તેને જોરદાર શોટ ફટકાર્યા હતા, પરંતુ તેની ઇનિંગ વધુ ટકી ન હતી અને તે 22 રનના અંગત સ્કોર પર હર્ષલ પટેલનો શિકાર બન્યો હતો.પરિણામે રાજસ્થાન જીતથી દૂર રહયુ હતું.
વિરાટ કોહલી ગોલ્ડન ડક
રાજસ્થાન રોયલ્સ સામેની મેચના પહેલા જ બોલ પર વિરાટ કોહલી આઉટ થયો હતો. ટ્રેન્ટ બોલ્ટની ઓવરમાં વિરાટ કોહલી બોલ ચુકી ગયો અને તે આઉટ થયો હતો. આમ IPLમાં બીજી વખત વિરાટ કોહલી મેચના પ્રથમ બોલ પર આઉટ થયો છે. ગત સિઝનમાં પણ તે એક વખત મેચના પ્રથમ બોલ પર પેવેલિયન પરત ફર્યો હતો. જેને ગોલ્ડન ડક કહે છે. 'ડક' શબ્દનો ઉપયોગ બેટ્સમેનને ઇનિંગ્સમાં શૂન્ય પર આઉટ કરવા માટે થાય છે. બેટ્સમેન ખાતું ખોલ્યા વિના ઇનિંગ્સના તેના પ્રથમ બોલ પર આઉટ થઈ જાય છે. ત્યારે તે ગોલ્ડન ડક ગણાય છે.
