IPLIN
 
  • Home
  • Sports
  • Cricket
  • Rohit Sharma named ICC ODI Cricketer of the Year Virat Kohli wins spirit of cricket award

ICC Awards / કોહલી બન્યો ICC વન-ડે અને ટેસ્ટ ટીમનો કેપ્ટન, રોહિત અને દિપકને મળ્યો આ એવોર્ડ

Team VTV 03:05 PM, 15 Jan 20
Follow us
Rohit Sharma named ICC ODI Cricketer of the Year Virat Kohli wins spirit of cricket award

આંતરરાષ્ટ્રીય ક્રિકેટ કાઉન્સિલ (ICC) એ બુધવારે આઈસીસી એવોર્ડ જાહેર કર્યો છે. આમાં કોહલી, રોહિત સહિત ઘણાં ભારતીય ક્રિકેટરોને મહત્વના એવોર્ડ મળ્યા છે. ભારતીય ટીમના વાઇસ કેપ્ટન રોહિત શર્માને વર્ષ 2019માં તેના શાનદાર પ્રદર્શન માટે વનડે ક્રિકેટર ઓફ ધ યર જાહેર કરવામાં આવ્યો છે, જ્યારે આ એવોર્ડ ટેસ્ટમાં પેટ કમિન્સના નામે ગયો છે. તમને જણાવી દઈએ કે રોહિત શર્માએ ઈંગ્લેન્ડમાં રમાયેલ વનડે વર્લ્ડ કપમાં રેકોર્ડ 5 સદીના આધારે 9 મેચોમાં 648 રન બનાવ્યા હતા, જ્યારે આખા વર્ષની વાત કરીએ તો તેણે 28 મેચોમાં 1490 રન બનાવ્યા હતા.

  • ICC એવોર્ડ્સમાં છવાયો કોહલી
  • રોહિત શર્માને મળ્યો વનજે ક્રિકેટર ઓફ ધ યર એવોર્ડ
  • દીપક ચાહરને મળ્યો બેસ્ટ પર્ફોર્મર એવોર્ડ

વિરાટ કોહલીને સ્પિરિટ ઓફ ધ યર એવોર્ડ

ભારતીય કેપ્ટન વિરાટ કોહલીને રમત પ્રત્યેનો જુસ્સો દેખાડવા બદલ સ્પિરિટ ઓફ ધ યર એવોર્ડ આપવામાં આવ્યો હતો. વર્લ્ડ કપ મેચમાં સ્મિથને બિરદાવવા બદલ આ એવોર્ડ તેને આપવામાં આવ્યો છે. ખરેખર, મેચમાં કેપ્ટન કોહલી બેટિંગ કરી રહ્યો હતો. તે સમયે, સ્મિથ બાઉન્ડ્રીની નજીક ફિલ્ડિંગ કરી રહ્યો હતો. ત્યાં હાજર દર્શકોએ સ્મિથને ચીડવવાનું શરૂ કર્યું. વિરાટ કોહલીને દર્શકોનો આ વ્યવહાર પસંદ આવ્યો નહીં. તેણે ઈશારો કરીને નારાજગી વ્યક્ત કરી હતી અને દર્શકોને સ્મિથને પ્રોત્સાહન આપવા કહ્યું હતું. કોહલીએ દર્શકોને કહ્યું કે તેઓ સ્મિથ માટે તાળીઓ પાડે. તમને જણાવી દઈએ કે, વર્ષ 2018માં બોલ ટેમ્પરિંગના આરોપો સાબિત થયા પછી સ્મિથ અને ડેવિડ વોર્નર પર એક વર્ષ માટે પ્રતિબંધ મૂકાયો હતો.

દિપક ચહર ટી 20 આઈ પર્ફોર્મર ઓફ ધ યર

ભારતીય ફાસ્ટ બોલર દિપક ચહરને T20I પર્ફોર્મર ઓફ ધ યરનો એવોર્ડ એનાયત કરાયો હતો. નવેમ્બરમાં દિપક ચાહરે બાંગ્લાદેશ સામે નાગપુર ટી 20 આંતરરાષ્ટ્રીય મેચમાં 6 વિકેટ ઝડપીને હેટ્રિક સહિત 7 વિકેટ લીધી હતી. ચાહર ટી 20 આંતરરાષ્ટ્રીય મેચમાં ભારત તરફથી હેટ્રિક લેનાર પ્રથમ બોલર છે. ઉપરાંત, આ પ્રદર્શન ટી 20 આંતરરાષ્ટ્રીયમાં કોઈ પણ બોલરનું શ્રેષ્ઠ પ્રદર્શન છે. તેણે શ્રીલંકાની અજંતા મેડિસિનનો રેકોર્ડ તોડ્યો હતો, જેણે 2012માં ઝિમ્બાબ્વે સામે 8 રન આપીને 6 વિકેટ લીધી હતી.

જાણો કોને કયો એવોર્ડ મળ્યો 

  • અમ્પાયર ઓફ ધ યર: રિચાર્ડ ઇલિંગવર્થ
  • વનડે ક્રિકેટર ઓફ ધ યર: રોહિત શર્મા (ભારત)
  • 2019 સ્પિરિટ ઓફ ક્રિકેટ એવોર્ડ: વિરાટ કોહલી (ભારત)
  • T20I પર્ફોર્મન્સ ઓફ ધ યર: દીપક ચાહર (6/7 vs બાંગ્લાદેશ)
  • ટેસ્ટ ક્રિકેટર ઓફ ધ યર: પેટ કમિન્સ (ઓસ્ટ્રેલિયા)
  • ઈમર્જિંગ ક્રિકેટર ઓફ ધ યર: માર્નસ લબુશાને (ઓસ્ટ્રેલિયા)
  • એસોસિએટ ક્રિકેટર ઓફ ધ યર: કાઈલ કોટ્ઝર (સ્કોટલેન્ડ)
  • સર ગેરફીલ્ડ સોબર્સ ટ્રોફી: બેન સ્ટોક્સ (ઈંગ્લેન્ડ)

વિરાટ વનડે અને ટેસ્ટ ટીમનો કેપ્ટન

ભારતીય કેપ્ટન વિરાટ કોહલી આઈસીસી વનડે અને ટેસ્ટ બંને ટીમોના કેપ્ટન તરીકે ચૂંટાયા છે. વનડેમાં વિરાટ સિવાય રોહિત શર્મા, મોહમ્મદ શમી અને કુલદીપ યાદવ અન્ય ભારતીય છે, જ્યારે મયંક અગ્રવાલને ઓપનર તરીકે ટેસ્ટમાં સામેલ કરવામાં આવ્યો છે.

વનડે ટીમ ઓફ ધ યર: 

રોહિત શર્મા, કેરી હોપ, વિરાટ કોહલી (કેપ્ટન), બાબર આઝમ, કેન વિલિયમસન, બેન સ્ટોક્સ, જોસ બટલર (વિકેટકીપર), મિશેલ સ્ટાર્ક, ટ્રેન્ટ બોલ્ટ, મોહમ્મદ શમી, કુલદીપ યાદવ

ટેસ્ટ ટીમ ઓફ ધ યર: 

મયંક અગ્રવાલ, ટોમ લાથમ, માર્નસ લાબુશાને, વિરાટ કોહલી (કેપ્ટન), સ્ટીવ સ્મિથ, બેન સ્ટોક્સ, વોટલિંગ, પેટ કમિન્સ, મિશેલ સ્ટાર્ક, વાગ્નર અને નાથન લિયોન

ICC Awards Rohit Sharma ODI cricketer of the year Virat Kohli રોહિત શર્મા વિરાટ કોહલી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ