સિદ્ઘિ / 'શાબાશ' રોહિત શર્મા, એક જ મેચમાં પોતાના નામે કરી દીધા આટલા બધા રેકોર્ડ્સ

• રોહિત શર્માએ ટેસ્ટ મેચની બંને ઇનિંગમાં કરી સેન્ચુરી
• રોહિત શર્માએ સિદ્ધુનો 25 વર્ષ જૂનો રેકોર્ડ તોડ્યો, એક ટેસ્ટમાં સૌથી વધુ સિક્સ ફટકારનાર ભારતીય બન્યો

આ સાથે જ રોહિત શર્માએ આ મેચમાં કુલ 13 સિક્સર્સ ફટાકરી, તેણે પહેલી ઇનિંગમાં 6 અને બીજી ઇનિંગમાં 7 સિક્સર્સ ફટકારી. એક મેચમાં 13 સિક્સર ફટકારનારા રોહિતે પાકિસ્તાનના વસીમ અકરમનો રેકોર્ડ પોતાના નામે કર્યો. વસીમ અકરમે 1996માં 257* રનની ઇનિંગમાં 12 સિક્સર્સ ફટકારી હતી. 

Back to back 💯s for the HITMAN. What a player 👏👏 pic.twitter.com/fhNkhvik2i

— BCCI (@BCCI) October 5, 2019

ભારતીય રેકોર્ડ હતો સિદ્ઘુના નામે:

રોહિત એક ટેસ્ટમાં સૌથી વધુ સિક્સ ફટકારનાર ભારતીય બેટ્સમેન બન્યો છે. તેણે નવજોતસિંહ સિદ્ધુનો રેકોર્ડ તોડ્યો છે. સિદ્ધુએ 1994માં શ્રીલંકા વિરુદ્ધ લખનઉમાં 8 સિક્સ મારી હતી. સિદ્ઘુએ 124 રનની ઇનિંગ રમી જેના માટે 223 બૉલ પર 9 બાઉન્ડ્રી અને 8 સિક્સર્સ ફટકારી. ટીમ ઇન્ડિયાએ આ મેચ ઇનિંગ અને 119 રનથી જીતી.રોહિતે આ મેચમાં 13 સિક્સર ફટકારી હતી.

વનડે અને T-20 મા પણ રેકોર્ડ:

રોહિત શર્મા ટીમ ઇન્ડિયા માટે એક વનડે ઇન્ટરનેશનલમાં સર્વાધિક સિક્સર ફટકારો બેટ્સમેન પણ છે. તેણો ઓસ્ટ્રેલિયા વિરુદ્ઘ 2013માં બેંગ્લોર ખાતે 16 સિક્સ મારી હતી. 2017માં શ્રીલંકા સામેની ટી-20માં 10 સિક્સ મારી હતી. આમ ત્રણેય ફોર્મેટમાં ટીમ ઇન્ડિયા તરફથી એક મેચમાં સૌથી વધુ સિક્સનો રેકોર્ડ તેના નામે છે.

Well played, @ImRo45 🤝🤝@Paytm #INDvSA pic.twitter.com/NsSGb5n5Sa

— BCCI (@BCCI) October 5, 2019

બંને ઇનિંગમા સેન્ચુરી:

રોહિત શર્મા ટેસ્ટ મેચની બંને ઇનિંગમાં સેન્ચુરી કરનારા છઠ્ઠો બેટ્સમેન બન્યો છે. વિજય હઝારે પહેલા ભારતીય બેટ્સમેન હતા, જેમણે ટેસ્ટ મેચની બંને ઇનિગમાં સેન્ચુરી કરી હતી. સુનીલ ગાવસ્કર 3 વખત, રાહુલ દ્રવિડ 2 વખત આ સિદ્ઘિ મેળવી છે. કેપ્ટન વિરાટ કોહલી અને અંજ્કિય રહાણે પણ ટેસ્ટ મેચમાં સેન્ચુરી ફટકારી ચૂક્યો છે.

3 ફોર્મેટમાં સેન્ચુરી કરનાર ઑપનર્સ:

• ક્રિસ ગેલ
• બ્રેન્ડન મેક્કુલમ
• માર્ટિન ગુપ્ટિલ
• તિલકરત્ને દિલશાન
• અહેમદ શહેઝાદ
• શેન વોટ્સન
• તમીમ ઇકબાલ
• રોહિત શર્મા