વિકાસથી વંચિત / છોટાઉદેપુરમાં 'વિકસિત' રોડ પર ઍમ્બ્યુલન્સ અટવાઈ : અસહ્ય પીડા સાથે પ્રસૂતા દૂર સુધી ચાલી, ઘરે જ કરવી પડી પ્રસૂતિ

• શું આ છે સરકારનો કહેવાતો `વિકાસ'?
• રસ્તો ખરાબ હોવાથી એમ્બ્યુલન્સ ન પહોંચી ગામમાં
• છોટાઉદેપુરના વનાર ગામમાં મહિલાને ઘરે જ કરવી પડી પ્રસૂતિ

કહેવાય છે કે ગુજરાત અને વિકાસ એક સિક્કાની બે પર્યાય બાજુ છે. પણ આજે તમને એવી વાસ્તવિકતાથી રૂબરૂ કરવાં જઈ રહ્યા છીએ જે ગુજરાતનાં વિકાસની ગુલબાગો પર તમાચો છે, એવો તો કેવો વિકાસ કે ગુજરાતની નારી  પ્રસૂતિ દરમિયાન પણ સારી સગવડ ન ભોગવી શકે, છોટાઉદેપુરથી 10 જ કિલોમીટરના અંતરે આવેલું એવું ગામ જે હાલ પણ સારા રસ્તાઓ ઝંખે છે. અરે  હદ તો ત્યારે થાય છે કે પ્રસૂતા દુખથી પીડાઈ રહી હતી એમ્બ્યુલન્સ પણ આવી રહી હતી પણ ગામનો માર્ગ એટલો ખરાબ હતો કે એમ્બ્યુલન્સ 'વાટ' જ જોવાઈ રહી, તે રસ્તા પર જ રહીને પ્રસુતિ ઘરે જ કરવી પડી. 

અડધો કીમી ચાલીને  એમ્બ્યુલન્સ સુધી જવું પડ્યું. 

પહેલા ઘરે પ્રસુતિ કરવાની ફરજ પડી પછી અસહ્ય પીડા સાથે અડધો કીમી ચાલીને  એમ્બ્યુલન્સ સુધી જવું પડ્યું. જિલ્લા મથકથી માત્ર 10 કિલોમીટરના અંતરે આવેલા ગામની આવી હાલત જોઈએને અનેક સવાલો ઊભા થયા છે. કારણ કે અહી એક માતાના જીવનો સવાલ હતો એક નવજાત શિશુનો જીવને જોખમ હતું, આ તો કેવો વિકાસ કે જ્યાં શહેર અને અંતરિયાળ ગામમાં આંતરો રખાય છે. કહેવાતા વિકાસની અંદર અંતરિયાળ ગામો અનેક મુશ્કેલીઓનો સામનો કરી રહ્યા છે. મજબૂરીના માર્યા વનાર ગામલોકો ઘણા વર્ષોથી આવી અનેક પરેશાનીઓ ઝેલી રહ્યા છે. કાચા રસ્તાને કારણે એમ્બ્યુલન્સ ઘર સુધી ન આવી શકી, પ્રસૂતિ ઘેર જ કરવી પડી, બાદમાં નવજાતને લઈને પીડા સહન કરી એમ્બ્યુલન્સ સુધી પહોંચવું પડ્યું ત્યારબાદ પ્રસૂતા અને તેનો બાળક સારી હોસ્પિટલમાં પહોંચી શક્યા અને સારવાર મેળવી શક્યા પણ અહી એ વાતનો કોઈએ તો વસવસો રાખવો પડશે કે જો કાઇ અઘટિત થયું હોત તો જવાબદાર કોણ? અને જો કદાચ એમ્બ્યુલન્સ આવી પણ ગઈ હોત તો રસ્તો એટલો ખરાબ હતો કે એમ્બ્યુલન્સની અંદર જ પ્રસૂતિ  કરવાની ફરજ પડી હોય આથી વિકાસની વાતો માત્ર કાગળ પૂરતી સીમિત ન રાખતા તેણે જમીન પર ઉતારવી જરૂરી છે.

તંત્રને સળગતા સવાલ 

છોટાઉદેપુર તાલુકાના વનાર ગામની આ ઘટના ગુજરાતનાં અંતરિયાળ ગામોમાં થયેલા કામો અને વિકાસની મોટી મોટી વાતોને ઉઘાડી પાડે છે.શું આ છે સરકારનો કહેવાતો `વિકાસ'?, હજુ સુધી કેમ પાકો રસ્તો નથી બનાવાયો?મહિલાને કંઇ થઇ ગયું હોત તો જવાબદાર કોણ હોત?, જિલ્લા મથક નજીકના જ ગામમાં આવી હાલત છે તો અંતરિયાળ વિસ્તારમાં શું સ્થિતિ હશે?, શું વિકાસ માત્ર કાગળ પર જ છે? પ્રસુતિ બાદ મહિલાને અડધો કિલોમીટર દૂર ચાલવું પડે આ કેવી સ્થિતિ?