સુશાંત સિંહ રાજપૂતે 14 જૂને તેના મુંબઈ સ્થિત ઘરે ગળે ફાંસો ખાઈને આત્મહત્યા કરી લીધી હતી. આ દુઃખદ ઘટનાને આજે એક મહિનો પૂરો થઈ ગયો છે. આ રીતે સુશાંતના અચાનક જતાં રહેવાથી સમગ્ર દેશને ઘેરો આઘાત લાગ્યો હતો. સુશાંતની મોત બાદ છેલ્લા એક મહિનામાં તેની કથિત ગર્લફ્રેન્ડ રિયા ચક્રવર્તીનું કોઈ નિવેદન અથવા સોશિયલ મીડિયા પર સુશાંતને લઈને કોઈ પોસ્ટ કરી નથી. પણ હાલમાં જ સુશાંતની મોતને એક મહિનો પૂરો થતા એક્ટ્રેસે તેનું વોટ્સએપ ડીપી ચેન્જ કર્યું છે.
સુશાંતની મોતને આજે 1 મહિનો થયો
સુશાંતની કથિત ગર્લફ્રેન્ડ રિયા ચક્રવર્તીએ તેનું વોટ્સએપ ડીપી ચેન્જ કર્યું
ઉલ્લેખનીય છે કે, પોલીસે રિયાની 9 કલાક સુધી પૂછપરછ કરી હતી. ત્યારે હવે રિયાએ સુશાંતની યાદમાં પોતાનું વોટ્સએપ ડીપી ચેન્જ કર્યું છે. સુધીના નિધન બાદથી રિયાએ કોઈ રિએક્શન આપ્યું નથી. રિયાએ જે ડીપી ચેન્જ કર્યું છે તેમાં તેણે સુશાંત સાથેની પોતાની તસવીર મૂકી છે અને આ તસવીરમાં બંને ખૂબ જ ખુશ દેખાઈ રહ્યાં છે. તસવીર જોઈને સમજી શકાય છે કે, બંને સાથે કેટલા ખુશ હતા અને સારો સમય પસાર કરી રહ્યાં હતા.
તમને જણાવી દઈએ કે, રિયા સુશાંતના નિધનના થોડાં દિવસ પહેલાં સુધી તેના બાન્દ્રા સ્થિત ઘરે તેની સાથે જ રહેતી હતી. પોલીસને રિયાએ જણાવ્યું કે, સુશાંતે તેને ઘરેથી જવાનું કહ્યું હતું કારણ કે સુશાંત થોડો સમય એકલો રહેવા માંગતો હતો. પોલીસ સૂત્રો મુજબ બંને વર્ષના અંતમાં લગ્ન કરવાના હતા.
આત્મહત્યા પહેલાં સુશાંતે રિયાને કોલ કર્યો હતો પણ તે રિસીવ નહોતી કરી શકી. રિયા અને સુશાંતે તેમની રિલેશનશિપને ક્યારેય પબ્લિકલી જાહેર કરી નથી પરંતુ બંનેના આઉટિંગના ફોટોઝ ઘણીવાર સોશિયલ મીડિયા પર વાયરલ થતા હતા.