રહેશો ફાયદામાં / લ્યો બોલો! ઉંધા ચાલવાથી થાય છે અઢળક ફાયદા

• સામાન્ય વોકિંગથી તમારું આરોગ્ય સારું રહે છે
• ઉલટુ ચાલવુ શરીર માટે વધુ ફાયદાકારક
• ઉલટુ ચાલવાના 100 સ્ટેપ્સ સામાન્ય વોકિંગના 1000 સ્ટેપ્સ સમાન

ઉલટુ ચાલવુ સામાન્ય વોકિંગ કરતા વધુ સારું

4X બેસ્ટ સેલિંગની લેખક અને આરોગ્ય નિષ્ણાંત લોરી શેમેક મુજબ, ઉલટુ ચાલવાના 100 સ્ટેપ્સ સામાન્ય વોકિંગના 1000 સ્ટેપ્સ જેવા છે. નિષ્ણાંતનું કહેવુ છે કે રેટ્રો વૉકિંગમાં કોઈ માણસનું હાર્ટ વધુ ઝડપથી પમ્પ થાય છે અને શરીરના તમામ અંગો, સ્નાયુઓ અને મગજ સુધી લોહી અને ઓક્સિજન સર્ક્યુલેટ થાય છે. ઉલટુ ચાલવાથી તમારા સ્નાયુ, ગ્લૂટ્સ અને ક્વાડ્રીસ્પેસ પર વધુ અસર પડે છે. આ સાથે મગજ અલગ રીતે ઓપરેટ કરવા માટે પ્રેરિત કરે છે.

સ્ટ્રોક અને સંધિવામાં ફાયદાકારક 

યુનિવર્સિટી ઑફ સિનસિનાટી ગાર્ડનર ન્યુરોસાયન્સ ઈન્સ્ટિટ્યુટના એક રિસર્ચરનું કહેવુ છે કે ઉલટુ ચાલવાનો અભ્યાસ સ્ટ્રોકના દર્દીઓને ફરીથી ચાલવાનુ શીખવાડી શકે છે. એવુ માનવામાં આવે છે કે ઉલટુ ચાલવાથી અંગોના સંતુલનમાં ફેરફાર થાય છે અને શરીરના નીચેના અંગોમાં પ્રાપ્રાયોસેપ્શન અને ચાલમાં તાલમેલ બેસે છે. ઘણા અભ્યાસમાં એવો દાવો કરવામાં આવ્યો છે કે ઘૂંટણમાં સંધિવાના લક્ષણોથી રાહત મળી શકે છે. ઉલટુ ચાલવુ આરોગ્ય માટે ફાયદાકારક જણાવવામાં આવ્યું છે. 

દૂર થશે હાર્ટની બિમારી

વૉકહાર્ટ હોસ્પિટલના કાર્ડિયોલોજીસ્ટ કન્સલ્ટન્ટ ડૉ. સૌરભ ગોયલ કહે છે કે કોઈ પણ પ્રકારની વૉકિંગ આપણા હાર્ટ અને ફેફસાના ફંક્શન માટે સારી છે. તમે જેટલુ વધારે ચાલો છો તેટલુ હાર્ટની બિમારીઓમાં જોખમ ઓછુ રહે છે. આ બ્લડ પ્રેશર ઘટાડીને હાર્ટની બિમારીઓનું જોખમ ઘટાડે છે. ગુડ કોલેસ્ટ્રોલ વધારે છે. ઈન્સુલિન અને બ્લડ શુગરને કંટ્રોલમાં રાખી ડાયાબિટીસની સંભાવનાને ઘટાડે છે.