અભિનવ પહેલ / સરકાર સહિ સલામત વતન પરત લાવતા ગાંધીનગરની દિકરીએ CM ઓફિસ પહોંચીને જુઓ શું કર્યું

• યુક્રેનને મદ્દદ માટે વિધાર્થીનીની પહેલ 
• ગાંધીનગરની વિધાર્થીએ 11 હજાર આપ્યા 
• સરકારની સેવા બદલ સરકારને રકમ અર્પણ 

યુક્રેનમાં અભ્યાસ માટે ગયેલા વિદ્યાર્થીઓને રશિયા યુક્રેન વચ્ચેની યુદ્ધની પ્રવર્તમાન સ્થિતીમાં ‘ઓપરેશન ગંગા’ અન્વયે ભારત સરકાર સહિ સલામત સ્વદેશ લાવી રહી છે.આવા વિદ્યાર્થીઓમાં એક ભાર્ગવી પટેલ પણ છે જે યુક્રેનમાં એમ.બી.બી.એસ ના 4 થા વર્ષમાં અભ્યાસ કરતી હતી. ગાંધીનગરની આ દિકરી ભાર્ગવી નરેશભાઇ પટેલે પોતાને સહિસલામત સ્વદેશ પરત લાવવાની સરકારની સંવેદનાસભર કામગીરીનું રૂણ અદા કરવાનો મનોમન નિર્ણય કર્યો.

ભાર્ગવીએ પોતે અભ્યાસ દરમ્યાન પિતા દ્વારા મોકલવામાં આવતા પૈસાની જે બચત કરી હતી તેમાંથી ફૂલ નહિ તો ફૂલની પાંખડી રૂપે 11 હજાર રૂપિયા મુખ્યમંત્રી રાહત નિધિમાં અર્પણ કર્યા છે.મુખ્યમંત્રી  ભૂપેન્દ્ર પટેલને બુધવારે પ્રત્યક્ષ મળીને ભાર્ગવીએ આ ચેક અર્પણ કરતાં કહ્યું કે સરકાર જ્યારે અમારી આટલી ચિંતા કરતી હોય ત્યારે નાગરિક ધર્મ નિભાવવો એ મારી પણ નૈતિક ફરજ છે. આ હેતુસર તેણીએ રૂ.11 હજારનો ચેક મુખ્યમંત્રી રાહત નિધિમાં આપીને કોઇ જરૂરતમંદને મદદરૂપ થવા આ રકમ કામ આવે તેવું સેવા દાયિત્વ અદા કર્યુ છે.મુખ્યમંત્રી  ભૂપેન્દ્ર પટેલે ગાંધીનગરની આ દિકરી ભાર્ગવીની રાષ્ટ્ર-રાજ્ય હિત ભાવનાની પ્રસંશા કરી અભિનંદન પાઠવ્યા હતા.