બજેટ / બજેટમાં ડઝન આઈટમો પર વધી શકે છે આયાત કર, જાણો કઈ વસ્તુઓના ભાવ પર પડશે અસર

• ઉત્પાદનોની આયાત પર ઈમ્પોર્ટ ડ્યૂટી 5-10 ટકા સુધી વધારી શકે છે
• સરકારનો પ્રયાસ બિનજરુરી ઉત્પાદનોની આયાત પર પ્રતિબંધ લગાવવાનો 
• ફર્નિચર અને ઈલેક્ટ્રિક વાહનો પર અસર દેખાશે

ઉત્પાદનોની આયાત પર ઈમ્પોર્ટ ડ્યૂટી 5-10 ટકા સુધી વધારી શકે છે

સૂત્રોના જણાવ્યાનુસાર મનાઈ રહ્યુ છે તે આ ઉત્પાદનોની આયાત પર ઈમ્પોર્ટ ડ્યૂટી 5-10 ટકા સુધી વધારી શકે તેમ છે. સરકારનો પ્રયાસ બિનજરુરી ઉત્પાદનોની આયાત પર પ્રતિબંધ લગાવવાનો છે. જેથી મેક ઈન ઈન્ડિયા અંતર્ગત તે ઉત્પાદનોનું નિર્માણ ભારતમાં જ કરી શકાય.

ફર્નિચર અને ઈલેક્ટ્રિક વાહનો પર અસર દેખાશે

સરકારી સૂત્રોના જણાવ્યાનુસાર ડ્યૂટીમાં વધારો ફર્નિચર અને ઈલેક્ટ્રિક વાહનોને અસર કરી શકે છે. ઉલ્લેખનયી છે કે સરકારનું આ પગલુ ટેસ્લા પર પણ અસર કરી શકે છે. કેમ કે આ વર્ષે ટેસ્લા ભારતમાં પોતાની કારો લોન્ચ કરવાની યોજના બનાવી રહી છે.

આ પ્રોડક્ટ પર વધી શકે છે ડ્યૂટી

દેશભરમાં ફેલાયેલા કોરોના વાયરસના કારણે સરકારના રેવેન્યુમાં ઘટાડો જોવા મળી રહ્યો છે. સૂત્રોના જણાવ્યાનુંસાર સરકાર ઈમ્પોર્ટ ડ્યૂટીને વધારીને 20થી 21 હજાર કરોડ રુપિયાની વ્યવસ્થા કરી શકે છે. નોંધનીય છે કે બજેટમાં ફ્રીજ, એસી, ફર્નિચર અને ઈલેક્ટ્રિક વાહનો પર ડ્યૂટી વધી શકે છે.

1 ફેબ્રુઆરીથી રજુ થશે બજેટ

કેન્દ્રની મોદી સરકારના બીજા કાર્યકાળનું બીજુ સામાન્ય બજેટ 1 ફેબ્રુઆરી 2021ના રોજ રજુ થશે. આ બજેટથી તમામને ઘણી આશા છે. પરંતુ સરકારની સામે સૌથી મોટો પડકાર દેશના ઈકોનોમિક ગ્રોથને પાટે લાવવાનો છે. આવનારા બજેટને લઈને તમામ લોકો પોત પોતાના સૂચનો આપી રહ્યા છે. આ સાથે બજેટ 2021- 22ની ચર્ચાઓમાં લોકોની વધારેમાં વધારે ભાગીદારી સુનિશ્ચિત કરવા માટે સરકારે  MyGov પ્લેટફોર્મની સુવિધા આપી હતી.