અત્યારે સ્કિનને લગતી સમસ્યાઓ ખૂબ જ વધી ગઈ છે. એવામાં માત્ર ચહેરો જ નહીં પરંતુ હાથ-પગની સ્કિન પણ ખરાબ અને કાળી થવા લાવી છે. જેથી આજે અમે તમને હાથ-પગની કાળાશ દૂર કરવા અને સ્કિનને સુંવાળી બનાવવાના કેટલાક ઘરેલૂ ઉપાયો જણાવીશું. તડકા અને પ્રદૂષણને કારણે હાથ-પગ કાળા થઈ જાય છે. તેનાથી બચવા માટે કેટલીક નેચરલ વસ્તુઓનો ઉપયોગ કરી શકાય છે. આ વસ્તુઓમાં રહેલાં વિટામિન્સ અને એન્ટીઓક્સીડેન્ટ્સ જેવા ન્યૂટ્રિઅન્ટ્સ કાળાશને દૂર કરે છે. તો ચાલો જાણી લો કામના નુસખા.
હાથ-પગની સ્કિન ગોરી અને સુંવાળી બનાવવાના ઉપાય
લીંબુના રસમાં કાચું દૂધ મેળવીને હાથ-પગ પર લગાવવાથી રંગ ગોરો થાય છે.
1-1 ચમચી બેસન અને હળદરમાં થોડું પાણી મિક્સ કરી પેસ્ટ બનાવી હાથ-પગ પર લગાવવાથી સ્કિન સોફ્ટ થાય છે અને કાળાશ દૂર થાય છે.
ચોખાના લોટમાં ગુલાબ જળ મિક્સ કરીને હાથ-પગ લગાવવાથી રંગ ગોરો થાય છે.
ફુદીનાના રસને હાથ-પગ પર લગાવવાથી કાળાશ દૂર થાય છે.
મસૂરની દાળની પેસ્ટમાં છાશ મિક્સ કરીને હાથ-પગ પર લગાવવાથી રંગમાં નિખાર આવે છે.
ઓટ્સમાં કાચું દૂધ મિક્સ કરી હાથ-પગ પર લગાવીને હળવા હાથે ઘસવાથી ડેડ સ્કિન દૂર થાય છે અને સ્કિનની કાળાશ દૂર થાય છે.
પાણીમાં બેકિંગ સોડા મિક્સ કરી હાથ-પગને થોડીવાર ડુબાડી રાખવાથી કાળાશ દૂર થાય છે.
એલોવેરા જેલને હાથ-પગ પર લગાવવાથી સન ટેનિંગ દૂર થાય છે. તે કાળાશથી બચાવે છે.
2 ચમચી કાચાં દૂધમાં 1 ચમચી મધ મિક્સ કરીને હાથ-પગ પર લગાવવાથી સ્કિનની ચમક વધે છે અને રંગ ગોરો થાય છે.