મોટા ભાઇની મદદથી અનિલ અંબાણી 462 કરોડ રૂપિયાનું દેવું ચૂકવીને ધરપકડથી તો બચી ગયાં. પરંતુ હકીકત તો એ છે કે આગળ હજી પણ તેઓની મુશ્કેલી સરળતાથી ઓછું થવાની નથી. ગયાં નાણાંકીય વર્ષનાં અંતે એટલે કે માર્ચ, 2018 સુધી અનિલ ધીરૂભાઇ અંબાણી સમૂહ (ADAG)ની ઉપર કુલ દેવું 1,03,158 કરોડ રૂપિયાનું હતું અને આની પર વ્યાજની દેણદારી પણ અંદાજે 10 હજાર કરોડ રૂપિયાની નજીક હતી. સમૂહે પોતાનાં એસેટનાં વેચાણ પર અંદાજે 60 ટકા દેવું ચૂકવી દેવાંની યોજના બનાવી છે.
આ નાણાંકીય વર્ષનું દેવું હજી સમૂહનો અધિકારિક આંકડો નથી આવ્યો પરંતુ કેટલાંક અનુમાનો અનુસાર સપ્ટેમ્બર, 2018 સુધી અનિલ ધીરૂભાઇ અંબાણી સમૂહ (ADAG)નું દેવું વધીને અંદાજે 1.72 લાખ કરોડ રૂપિયા સુઘી પહોંચી ગયેલ છે.
ઉલ્લેખનીય છે કે અનિલ અંબાણીએ સ્વીડનની દૂરસંચાર ઉપકરણ બનાવનારી કંપની એરિક્સનને 550 કરોડ રૂપિયાનું દેવું ચૂકવી દીધું છે. પરંતુ આ પૈસા તેઓએ પોતાનાં મોટા ભાઇ મુકેશ અંબાણી પાસેથી લઇને ચુકવ્યાં છે. જો કંપની આવું કરવામાં વિફળ રહેતી તો આરકોમનાં ચેરમેન અનિલ અંબાણીને 3 મહીના જેલની સજા કાપવી પડે તેમ હતી. એવામાં મદદને માટે મોટા ભાઇ મુકેશ અંબાણી સામે આવ્યાં.
શું છે આ 462 કરોડનો મામલો?
વર્ષ 2013માં આરકોમે એરિક્સન સાથે એક મલ્ટી ઇયર મૈનેજ્ડ સર્વિસેઝ એગ્રીમેન્ટ (MSA) કર્યા હતાં. પરંતુ ત્રણ વર્ષમાં જ દેવાંની રકમને લઇને બંને કંપનીઓનાં સંબંધમાં ખટાસ આવી ગઇ. સપ્ટેમ્બર 2017માં એરિક્સને સમજૂતીને રદ્દ કરી દીધી અને પોતાનાં અંદાજે 1,100 કરોડ રૂપિયાનું વેચાણ હાંસલ કરવા માટે નેશનલ કંપની લૉ ટ્રાઇબ્યૂનલ (NCLT)નાં દરબારમાં પહોંચી.
મેં 2018માં એનસીએલટીનાં આદેશ બાદ આરકોમ સેટલમેંટનાં રૂપમાં 550 કરોડ રૂપિયા આપવા પર સહમત થઇ. આ મામલો સુપ્રિમ કોર્ટમાં પહોંચ્યો અને તેને 30 સપ્ટેમ્બર, 2018 સુધી 550 કરોડ રૂપિયા આપવાનો આદેશ આપ્યો. ઓક્ટોમ્બર સુધી જ્યારે આરકોમે પૈસા નહીં આપ્યાં તો એરિક્સને કોર્ટની અવમાણનાનો મામલો દાખલ કર્યો.
સુપ્રીમ કોર્ટે 19 માર્ચ, 2019 સુધી અંતિમ તારીખ નક્કી કરી. કંપનીએ આમાંથી પહેલે અંદાજે 118 કરોડ રૂપિયા સુપ્રીમ કોર્ટમાં જમા કરી નાખ્યાં હતાં. સુપ્રીમ કોર્ટે ચેતવણી આપી કે જો અનિલ અંબાણીએ દેવું નહીં ચૂકવ્યું તો તેઓને ત્રણ મહીનાની જેલમાં નાખી શકાય છે પરંતુ 18 માર્ચનાં રોજ અનિલ અંબાણીએ પોતાનાં મોટાં ભાઇની મદદથી 462 કરોડ રૂપિયા ચૂકવી દીધાં.