જાણી લો / અમદાવાદીઓ મેટ્રોની સફર કરતાં પહેલા આટલું જરૂર જાણી લેજો, આ બે દિવસ ટાઈમમાં થયો ફેરફાર

• ઉત્તરાયણને લઇ મેટ્રો ટ્રેનના સમયમાં ફેરફાર 
• રાત્રે 10 વાગ્યા સુધી દોડશે મેટ્રો ટ્રેન
• 14 અને 15મી જાન્યુઆરીએ 10 વાગ્યા સુધી જ દોડશે ટ્રેન 

Ahmedabad news: ઉત્તરાયણને હવે ઝાઝા દિવસો બાકી નથી રહ્યાં. ત્યારે ઉત્તરાયણના દિવસે અને વાસી ઉત્તરાયણના દિવસે એટલે કે, 14 અને 15 જાન્યુઆરીએ મેટ્રો ટ્રેનના સમય-ફ્રિક્વન્સીમાં ઘટાડો કરાયો છે. આપને જણાવી દઈએ કે, 12 મિનિટે મળતી મેટ્રો ટ્રેન આ બે દિવસ માટે 20 મિનિટે મળશે.   

મેટ્રો રેલ કોર્પોરેશન લિમિટેડ દ્વારા જાહેરાત કરાઈ
તહેવારના દિવસે જાહેર રજા હોવાથી મુસાફરો મેટ્રોની મુસાફરી ઓછી કરતા હોય છે જેને લઈ મેટ્રોના વહીવટી તંત્ર દ્વારા આ મહત્વપૂર્ણ નિર્ણય લીધો છે.  ઉત્તરાયણ પર્વને ધ્યાનમાં રાખી મેટ્રો દ્વારા અત્યારથી જ જાહેરાત કરી દેવાઈ છે જેના કારણે કોઈ મુસાફરને મુશ્કલી ન પડે. સાથો સાથ જણાવીએ કે, વસ્ત્રાલથી થલતેજ અને APMCથી મોટેરા રાત્રે 10 વાગ્યા સુધી ટ્રેન દોડશે.

વાંચવા જેવું: 800 ઍમ્બ્યુલન્સ રોડ પર, 1 એરઍમ્બ્યુલન્સ: ઉત્તરાયણ માટે અમદાવાદમાં ખાસ તૈયારી, પક્ષીઓ માટે હેલ્પલાઇન જાહેર

મેટ્રો ટાઈમિંગ શું છે ?
અત્રે જણાવીએ કે, અમદાવાદના પૂર્વ- પશ્ચિમ અને ઉત્તર-દક્ષિણ બંન્ને કોરિડોર પર સમગ્ર દિવસ દરમિયાન 12 મિનિટના અંત્તરે સવારે 7:00 કલાકથી લઈ 22:00 કલાક સુધી હાલમાં મેટ્રો સેવા કાર્યરત છે. વિવિધ વર્ગોની માંગણીને ધ્યાનમાં રાખીને ગુજરાત મેટ્રો રેલ કોર્પોરેશન લી.ના સત્તાધિકારીઓ દ્વારા પ્રાયોગિક ધોરણે અત્યારે 6:20 અને 6:40 શરૂ કરેલી છે. જેમાં સવાર 6:20થી 7 વાગ્યા સુધી 20 મિનિટના સમયગાળા દરમિયાન જ્યારે 7થી લઈ 22 વાગ્યા સુધી 12 મિનિટના સમયગાળા દરમિયાન મેટ્રો ચાલે છે.