રેસિપિ / જો બટાકાની એકની એક સૂકી ભાજી ખાઈને કંટાળ્યા હોવ તો આજે બનાવો આ ખાસ ડિશ, જળવાઈ રહેશે સ્ટેમિના

• શ્રાવણના ઉપવાસમાં ટ્રાય કરો બટાકાની નવી વાનગી
• બનાવી લો ફરાળી આલુ પરાઠા
• ટેસ્ટ અને હેલ્થ બંને રહેશે બેસ્ટ

ફરાળી આલુ પરાઠા

સામગ્રી

 
-એક નંગ મોટું બાફેલું બટાટું
-બે ટીસ્પૂન મોળું દહીં
-એક ટીસ્પૂન તેલ
-પાંચ નંગ લીલાં મરચાં
-એક ટીસ્પૂન કોથમીર
-એક ટીસ્પૂન તલ
-એક ટીસ્પૂન મોળી શેકેલી શીંગનો ભૂકો
-એક ટીસ્પૂન લાલ મરચું
-એક ટીસ્પૂન ખાંડ
-સિંધવ ફરાળી મીઠું સ્વાદ અનુસાર
-રાજગરાનો લોટ જરૂર મુજબ
-તેલ તળવા માટે

 
રીત

ફરાળી આલુ પરાઠા બનાવવા માટે સૌ પ્રથમ બટાકાને બાફીને છીણી લો. લીલા મરચાને ઝીણા સમારી લો. શેકેલી શિંગનો ભૂકો કરી લો. બટાકાના છુંદામાં તેલ, દહીં, સ્વાદ પ્રમાણે સિંધવ, તલ, શેકેલી શિંગનો ભૂકો, ઝીણી સમારેલી કોથમીર, લીલુ મરચુ અને લાલ મરચુ નાંખી બરાબર મિક્સ કરી લો. ત્યારબાદ તેમાં જરૂર પ્રમાણે રાજગરાનો લોટ નાંખી તેમાંથી પરોઠા જેવો લોટ બંધો. હવે લોટમાંથી લુઆ કરી ઉપર અને નીચે પ્લાસ્ટિક મૂકી પરોઠું વણી લો. તૈયાર પરોઠાને તવી પર તેલ લઇ શેલો ફ્રાય કરી લો. ગરમ-ગરમ ફરાળી આલુ પરાઠા મસાલા દહીં સાથે સર્વ કરો.