તમારા કામનું / હવે રાશનની દુકાનો પર અનાજ ઉપરાંત મળશે બીજા પણ ઘણા બધા લાભ, જાણો મોદી સરકારની શું છે તૈયારીઓ

• રાશનની દુકાનો પર અનાજ ઉપરાંત આ કામો પણ થશે
• રાશનની દુકાનો પર મળશે આ લાભ 
• જાણો મોદી સરકારની શું છે તૈયારીઓ 

હવે રાશનની દુકાનો પર અનાજના વેચાણની સાથે અન્ય સુવિધાઓ પણ મળશે. અત્યાર સુધી રાશનની દુકાનો પર ફક્ત અનાજ અથવા સરકારી સામગ્રી જેવી કે તેલ વગેરે મળતું હતું પરંતુ હવે સીએસસી સાથે જોડાયેલી સર્વિસનો ફાયદો પણ આ દુકાનો પાસેથી ઉઠાવવામાં આવી શકે છે. 

હકીકતે ખાદ્યય મંત્રાલયે રાશન દુકાનોની આવક વધારવા માટે સીએસસી ઈ-ગવર્નન્સ સર્વિસ ઈન્ડિયા લિ. (CSC)ની સાથે એક કરાર કર્યો છે. તેનાથી ન ફક્ત સામાન્ય લોકોને ફાયદો થશે પરંતુ જે લોકોના નામે રાશનની દુકાનો એલોર્ટ કરવામાં આવી છે. તેમના માટે કમાણીના અવસર પણ વધી જશે. એક વખત સીએસસી સર્વિસ શરૂ થયા બાદ ગ્રાહકો સાથે જોડાયેલી મોટાભાગની સુવિધાઓ જેવી કે વિજળી, પાણી સહિત અન્ય યુટિલિટી બિલોની ચુકવણી જેવી સુવિધાઓનો ફાયદો આ દુકાનોમાંથી ઉઠાવી શકાશે. એટેલે કે ત્યાર બાદ તમે તમારા ઘરનું બિલ રાશનની દુકાન સાથે જમા કરી શકશો. 

શું છે અપડેટ? 
ઓફિશયલ જાણકારી અનુસાર ખાદ્ય અને સાર્વજનિક વિતરણ વિભાગે સીએસસી ઈ-ગવર્નેન્સ સર્વિસ ઈન્ડિયા લિ.ની સાથે (MOU) પર સાઈન કર્યું છે. જણાવવામાં આવી રહ્યું છે કે આ એમઓયુનો હેતુ ઈચ્છુક ઉચિત દર દુકાન ડીલરો દ્વારા સીએસસી સેવાઓની આપુર્તિથી રાશન દુકાનો માટે કાયદાકીય અવસર અને આવક વધારવાનો છે. એસ એમઓયુ પર ઉપ સચિવ જ્યોત્સના ગુપ્તા અને સીએસસીના ઉપાધ્યક્ષ સાર્થિક સચદેવે હસ્તાક્ષર કર્યા છે. 

એવામાં હવે રાશનની દુકાનોને સીએસસી સેવા કેન્દ્રોની રીતે વિકસિત કરવામાં આવી શકે છે. એવા સીએસસી કેન્દ્રોને પોતાની સુવિધાથી વધુ સેવાઓની પસંદગી કરવાનું કહેવામાં આવશે. તેમાં બિલની ચુકવણી, પાન અરજી, પાસપોર્ટનું આવેદન કરવું, ચૂંટણી પંચ સાથે જોડાયેલી સેવાઓ વગેરે શામેલ છે. ગ્રાહકોની પાસેની રાશન દુકાનો પર આ સેવાઓ ઉપલબ્ધ રહેશે અને બીજી તરફ આ દુકાનોને વધુ આવકનો સોર્સ મળી રહેશે.