આંતરરાષ્ટ્રીય બજારમાં આવેલી જોરદાર તેજીના સપોર્ટથી મંગળવવારે ભારતીય વાયદા બજારમાં ચાંદીનો ભાવ 55000 ને પાર પહોંચ્યો છે. જોકે, સોનાના ભાવમાં કોઈ ખાસ તેજી દેખાઈ રહી નથી. કોમોડિટી બજારના જાણકાર કહી રહ્યા છે કે,ચાંદીની ઔદ્યોગિક માંગ વધવાની સંભાવનાથી કિંમતોમાં વધારો જોવા મળી રહ્યો છે.
મલ્ટી કમોડિટી એક્સચેન્જ(MCX) પર સવારે ચાંદીના સપ્ટેમ્બર એક્સપાયરી કરારમાં વીતેલા સત્રની તુલનામાં 1275 રૂપિયા એટલેકે 2.36 ટકાની તેજી સાથે 55,280 રૂપિયે પ્રતિ કિલો પર કારોબાર કરી રહ્યું હતું. આની પહેલાના કારોબાર દરમિયાન ચાંદીનો ભાવ એમએસીએક્સ પર 55,465 રૂપિયા પ્રતિ કિલો સુઘી ઉછળ્યો હતો,જે 2013 પછીનું સૌથી ઊંચું સ્તર છે.
કોમેક્સ પર વઘી ચમક
ઉલ્લેખનીય છે કે, એમએસીએક્સ પર સોનાના ઓગસ્ટ વાયદા કરારમાં અગાઉના સત્રથી માત્ર 113 રૂપિયાની તેજીની સાથે 49,140 રૂપિયા પ્રતિ 10 ગ્રામ પર કારોબાર ચાલી રહ્યો હતો. ત્યાં, આંતરરાષ્ટ્રીય બજાર કોમેક્સમાં ચાંદીના સપ્ટેમ્બર વાયદા કરારમાં પાછળના સત્રથી 2.68 ટકા તેજી સાથે 20.733 ડોલર પ્રતિ ઔંસ પર કારોબાર ચાલી રહ્યો હતો જયારે, કારોબાર દરમિયાન કોમેક્સ પર ચાંદીનો ભાવ 20.848 ડોલર પ્રતિ ઔંસ સુધી ઉછળ્યો હતો, જે 2016 પછીનું સૌથી ઊંચું સ્તર છે.
સોનાનો ભાવ1822.95 ડોલર પ્રતિ ઔંસ સુધી ઉછળ્યો
કોમેક્સ પર સોનાનો ઓગસ્ટ વાયદા કરારમાં અગાઉના સત્રમાં માત્ર 4.50 ડોલર એટલેકે 0.25 ટકાની તેજીની સાથે 1821.90 ડોલર પ્રતિ ઔંસ પર કારોબાર ચાલી રહ્યો હતો. જયારે, તેના પહેલા સોનાનો ભાવ1822.95 ડોલર પ્રતિ ઔંસ સુધી ઉછળ્યો હતો. તમને જણાવી દઈએ કે ચાંદી કિંમતી ધાતુની સાથે સાથે ઔધોગિક ધાતુ પણ છે અને તેનો ઉપયોગ ઘરેણાં ઉપરાંત બીજા ઘણા ઉદ્યોગોમાં પણ થાય છે.