ભારતના ઉદ્યોગપતિ રતન ટાટા દેશની ઘણી એવી વિપરીત પરિસ્થિતિ પર પોતાનું સ્ટેન્ડ આપતા હોય છે. જ્યારે હાલ ટાટા સફાઈ કર્મચારીઓ માટે એક અભિયાનની શરૂઆત કરી રહ્યાં છે. ત્યારે ટાટા સોશ્યલ મીડિયામાં અભિયાનને લઈને એક વિડીયો શેર કર્યો છે. જે વિડીયો ખુબ જ વાયરલ થઈ રહ્યો છે. અને લોકો ટાટાની આ પહેલના વખાણ કરી રહ્યાં છે.
ટાટાના #TwobinsLifeWins અભિયાનની લોકો ખુબ પ્રશંસા કરી રહ્યાં છે
ટાટાએ સોશ્યલ મીડિયા પર વિડીયો શેર કરી ભાવુક મેસેજ શેર કર્યો
અત્યાર સુધી 30 લાખ લોકોએ વિડીયો જોયો
ટાટા ગ્રુપના ચેરમેન રતન ટાટાએ આજે સોશિયલ મીડિયામાં એક વિડીયો શેર કર્યો છે. આ વિડીયો સ્વચ્છતા કર્મચારીઓના જીવન આધારિત બનાવામાં આવ્યો છે. આ જાહેરાત લોકજાગૃતિ માટે બનાવવામાં આવે છે. જેમાં એક કિશોર શાળામાં દરેક લોકોને સંબોધિત કરતાં કહે છે કે, "મેરા બાબા દેશ ચલાતા હૈ"
આ જાહેરાતમાં દર્શાવવામાં આવ્યું છે કે એક કિશોર શાળામાં કવિતાનું પઠન કરી રહ્યો છે. ત્યારે શિક્ષકો, વિદ્યાર્થીઓ અને વાલીઓ તેમને સાંભળી રહ્યાં છે.
જેમાં બાળક બધાને સંબોધીને કહે છે કે, "મારા પિતા ન તો નેતા છે અને નથી તે દેશ ચલાવતા, તે ન તો ડોક્ટર છે અને નથી તે રોગને ભગાવતા" મેરા બાબા દેશ ચલાતા હૈ !
"તે પોલીસ પણ નથી પરંતુ તે દેશની ગંદકી હટાવે છે" આ વાક્ય આવતા સૌ કોઈના હૈયાને ભાર આપે, ગજબના શબ્દપ્રયોગ કર્યા છે. આ સમગ્ર વિડીયો દરમિયાન તમને રૂવાંટા ઉભા કરી દેશે. આ જાહેરાતમાં આ નિર્દોષ બાળકે એક એક સફાઈકર્મીની વ્યથા દર્શાવી છે. સંઘર્ષ સામે લડતાં સફાઈકર્મીઓ માટે રતન ટાટાએ ખુબ જ સુંદર અભિયાનની શરૂઆત કરી છે.
ટાટા આ વિડીયો સોશિયલ મીડિયા પર શેર કરતાં કહ્યું કે, આ વિડીયો અમારા બહાદુર સ્વચ્છતા કાર્યકરો માટે #TwobinsLifeWins
અઢી કરોડની વસ્તી ધરાવતાં મુંબઈ શહેરમાં 50000 સ્વચ્છતા કર્મચારીઓ કાર્યરત છે. તેઓ મુંબઈમાં એકઠા થતાં કચરાને પહોંચી વળવા માટે મુશ્કેલ પરિસ્થિતિમાં દરરોજ કામ કરી રહ્યાં છે. આ માટે ટાટા ટ્રસ્ટ મિશન ગરિમાની પહેલ કરી રહી છે. જેમાં સ્વચ્છતા કર્મચારીઓ માટે સલામત, આરોગ્યપ્રદ અને માનવીય કાર્યકારી પરિસ્થિતિઓ પ્રદાન કરવા માટે કામ કરી રહી છે.
આ અભિયાન જે સુકો કચરો અને ભીનો કચરાને છુટા પાડતા સફાઈકર્મચારીને મદદ કરશે. અને આવા મહેનતુ કર્મચારીને કામના ભારમાં ઘટાડો કરશે. તમે તમારા કચરાનો જવાબદારીપૂર્વક નિકાલ કરવામાં અમારી પહેલને મદદ કરો.
દર વર્ષે હજારો સફાઈ કર્મચારીઓ દેશની ગંદકી સાફ કરી ગંભીર રીતે બિમાર પડે છે. અને જેમના કારણે તેમના પરિવાર અને નાના બાળકો પર અસર પડે છે. દર વર્ષે આવા હજારો બાળકોની પોતાના પિતાની છત્રછાયા ગુમાવે છે.
આ એડ્સ હાલ સોશ્યલ મીડિયામાં ખુબ જ વાયરલ થઈ રહી છે. અને લોકો રતન ટાટાના ખુબ વખાણ કરી રહ્યાં છે. અત્યાર સુધી આ વિડીયોને 30 લાખથી વધુ લોકોએ જોઈ લીધો છે.