CBI એ રાજ્યસભાની બેઠક અને રાજ્યપાલ પદ મેળવવાના ખોટા વચન આપીને લોકોને 100 કરોડ રૂપિયાની છેતરપિંડી કરવાનો પ્રયાસ કરતી આંતર-રાજ્ય ગેંગનો પર્દાફાશ કર્યો છે.
CBI એ રાજ્યસભાની બેઠક અને રાજ્યપાલ પદ મેળવવાના ખોટા વચન ગેંગનો પર્દાફાશ
આરોપી પોતાને CBIનો એક વરિષ્ઠ અધિકારી તરીકે ઓળખ આપી કામ કરાવતો
સર્ચ ઓપરેશન દરમિયાન એક આરોપી CBI અધિકારીઓ પર હુમલો કરીને ભાગવામાં સફળ રહ્યો
શું પૈસા આપીને ગવર્નરનું પદ ખરીદી શકાય? સાંભળીને વિશ્વાસ કરી શકતું નથી, પરંતુ દેશમાં એટલા મોટા ઠગ છે કે તેમના માટે રાજ્યપાલનું પદ વેચવું મુશ્કેલ નથી. ઉલ્લેખનીય છે કે, સેન્ટ્રલ બ્યુરો ઑફ ઇન્વેસ્ટિગેશન (CBI) એ ચાર મોટા ઠગને પકડ્યા છે જેઓ રાજ્યપાલ અથવા રાજ્યસભાની બેઠકો અથવા કેન્દ્ર સરકારના કોઈપણ ઉપક્રમના અધ્યક્ષ પદ માટે 100 કરોડ રૂપિયા આપવાનું ખોટું વચન આપીને લોકોને ફસાવતા હતા.
CBI તાજેતરમાં આ મામલામાં અનેક જગ્યાએ દરોડા પાડ્યા હતા
અધિકારીઓએ જણાવ્યું કે તપાસ એજન્સીએ તાજેતરમાં આ મામલામાં અનેક જગ્યાએ દરોડા પાડ્યા હતા અને ગેંગના ચાર સભ્યોની ધરપકડ કરી હતી. અધિકારીઓના જણાવ્યા અનુસાર સર્ચ ઓપરેશન દરમિયાન એક આરોપી CBI અધિકારીઓ પર હુમલો કરીને ભાગવામાં સફળ રહ્યો હતો. તપાસ એજન્સીના અધિકારીઓ પર હુમલો કરવા બદલ સ્થાનિક પોલીસ સ્ટેશનમાં ફરાર આરોપીઓ વિરુદ્ધ અલગ FIR નોંધવામાં આવી છે,
કોણ છે આરોપી?
અધિકારીઓના જણાવ્યા અનુસાર, CBIએ FIRમાં મહારાષ્ટ્રના લાતુર જિલ્લાના રહેવાસી કમલાકર પ્રેમકુમાર બંદગર, કર્ણાટકના બેલગામના રહેવાસી રવિન્દ્ર વિઠ્ઠલ નાઈક અને દિલ્હી NCRના રહેવાસી મહેન્દ્ર પાલ અરોરા, અભિષેક બુરા અને મોહમ્મદ એજાઝ ખાનનું નામ લીધું છે. FIRમાં આરોપ છે કે બંદગર CBIના વરિષ્ઠ અધિકારી તરીકે ઓળખાવતા હતા અને બુરા, અરોરા, ખાન અને નાઈકને ઉચ્ચ અધિકારીઓ સાથેના તેમના 'સંબંધો'નું કારણ આપીને આવું કોઈ પણ કામ લાવવા કહ્યું હતું,
FIRમાં શું છે?
FIR મુજબ, આરોપીઓએ રાજ્યસભામાં બેઠક, રાજ્યપાલ તરીકેની નિમણૂક અને કેન્દ્ર સરકાર મંત્રાલયો અને વિભાગો હેઠળની વિવિધ સરકારી સંસ્થાઓના અધ્યક્ષ તરીકે ખોટા આશ્વાસન આપીને સામાન્ય લોકો પાસેથી મોટી રકમની ઉચાપત કરવાનો ખોટો ઈરાદો તરફથી કાવતરું ઘડ્યું હતું. FIR મુજબ, CBIને તેમના સૂત્રોથી જાણવા મળ્યું હતું કે બુરાએ બંદગર સાથે ચર્ચા કરી હતી કે કેવી રીતે નિમણૂંકોમાં નિર્ણાયક ભૂમિકા ભજવનારા ઉચ્ચ અધિકારીઓ સાથે બુરાના કથિત સંબંધોનો ઉપયોગ કામ નીકાળવા માટે થઈ શકે છે.
બંદગરે પોતાને CBIના અધિકારી તરીકે ઓળખ આપી કામ કરાવતો
આરોપ છે કે, આરોપીઓ 100 કરોડ રૂપિયાના બદલામાં રાજ્યસભાની ઉમેદવારી અપાવવાના ખોટા વચનો આપીને લોકોને છેતરવાનો પ્રયાસ કરી રહ્યા હતા. FIR મુજબ, CBIને માહિતી મળી હતી કે, આરોપીઓ વરિષ્ઠ અમલદારો અને રાજકીય અધિકારીઓના નામનો ઉપયોગ કરીને એવા ગ્રાહકોને પ્રભાવિત કરશે કે જેઓ કોઈ પણ કામ માટે તેમનો સંપર્ક કરે છે, કાં તો સીધા અથવા અભિષેક બુરા જેવા મધ્યસ્થીઓ દ્વારા. FIR મુજબ, એવું પણ જાણવા મળ્યું છે કે બંદગરે પોતાને CBIના એક વરિષ્ઠ અધિકારી તરીકે ઓળખ આપી વિવિધ પોલીસ સ્ટેશનના અધિકારીઓને તે લોકો પાસેથી કામ કરાવવા માટે કહ્યું હતું અને વિવિધ કેસોની તપાસને પ્રભાવિત કરવાનો પ્રયાસ કર્યો હતો.