ફરિયાદ / ગુજરાતની વધુ એક દીકરી વિધર્મી યુવકનો ભોગ બની! લગ્નના સાત વર્ષ બાદ પરિવારે જુઓ શું કર્યું

• રાજકોટની યુવતીને ધર્મ પરિવર્તન માટે દબાણ
• યુવતીએ વિધર્મી યુવક સાથે કર્યા હતા લગ્ન
• યુવતીએ સાસરિયા સામે નોંધાવી ફરિયાદ

રાજકોટમાં વિધર્મી સાથે લગ્ન કરનારી યુવતીને ધર્મ પરિવર્તન માટે દબાણ કરવામાં આવતું હોવાની ઘટના સામે આવી છે. આ મામલે પતિ, સાસુ અને દિયર સામે પોલીસ ફરિયાદ નોંધાતા પોલીસે તપાસનો ધમધમાટ શરૂ કર્યો છે.

યુવતીએ વર્ષ 2015માં અવજીલ જસાણી નામના યુવક સાથે કર્યા હતા લગ્ન

પોલીસ મથકે ફરિયાદમાં  યુવતીએ જણાવ્યું કે તે પોતે હિન્દૂ છે અને તેમણે વર્ષ 2015માં અવજીલ જસાણી નામના યુવક સાથે લગ્ન કર્યા હતા.જેને પગલે યુવતીના માતા પિતાએ સંબંધ તોડી નાખ્યા હતા. આથી લગ્ન બાદ જ  પતિ અવજીલને સાસુ તથા દિયર કાન ભંભેરણી કરી કહેતા હતા કે તેમની પત્ની નોકરી કરતી હોવાથી ઘર કામમાં ધ્યાન આપતી નથી તેવું જણાવતા હતા આથી આ મામલે પતિ દારૂ પીને માથાકૂટ અને  ચારિત્ર્ય પર શંકા કરતો હતો. જે અંગેનો પણ ફરિયાદમાં ઉલ્લેખ કરાયો છે.

સાસરિયાના ત્રાસને પગલે યુવતી ધર્મના ભાઈના ઘરે રહેવા ચાલી ગઈ

આ ઉપરાંત લગ્ન બાદ યુવતીને પતિ ખોજા ખાનામાં જવા માટે પણ દબાણ કરતો હતો. પરંતુ અહીં પ્રવેશ ન મળતા સાસરિયાઓએ ધર્મ બદલવા દબાણ કર્યાની પણ ચોંકાવનારી રાવ ઉઠી છે. ત્યારબાદ સાસરિયાના ત્રાસને પગલે યુવતી ધર્મના ભાઈના ઘરે રહેવા ચાલી ગઈ હતી. જ્યા ભાઈના ઘરે રહેવા સાથે યુવતીએ સાસરિયા સામે ફરિયાદ પણ નોંધાવી છે. ત્યારે આ મામલે પોલીસે તપાસ હાથ ધરી છે.