રાજકોટ સહિત સૌરાષ્ટ્રના તમામ જિલ્લાઓમાં વાતાવરણમાં પલટો જોવા મળી રહ્યો છે. પોરબંદર દ્વારકા સહિતના જિલ્લામાં વરસાદી ઝાપટા પડ્યા. તો કચ્છમાં ભર શિયાળે કમોસમી વરસાદની સ્થિતિ જોવા મળી. પવન સાથે વાદળછાયું વાતાવરણ જોવા મળ્યું. કમોસમી વરસાદથી ખેતરમાં શિયાળુ પાકને ભારે નુકસાન થવાની શક્યતા છે.
તો આ તરફ પોરબંદરના બરડા પંથકમાં વાતાવરણમાં પલટો આવ્યો છે. તો દ્વારકામાં પણ કમોસમી વરસાદ વરસ્યો છે. મીઠાપુર સુરજકરાડી ઓખામાં વરસાદી ઝાપટાં પડ્યા.
તો ખંભાળિયા ભાટીયા કલ્યાણપુર પંથકમાં પણ વરસાદ ખાબક્યો હતો. તો ખેડૂતોમાં ચિંતાનું મોજુ છવાઈ ગયું હતું. આ તરફ કચ્છના પૂર્વ વિસ્તારમાં પણ વાતાવરણમાં એકાએક પલટો આવ્યો હતો. ગાંધીધામ સહિત આસપાસના વિસ્તારોમાં વરસાદ પડતાં ઠંડીનું પ્રમાણ વધ્યું હતું.
તાલાળા અને અમરેલીના ગ્રામ્ય પંથકોમાં કમોસમી વરસાદ
ધામલવા કોડીદ્રા માથાસૂર્યા માલજીનજવા સહિતના ગામોમાં વરસાદ ખાબક્યો છે. મગફળી સહિતના પાકોને નુકશાન થયું છે. ખેડૂતોને પડયા માથે પાટુ જેવી સ્થિતિ સર્જાઇ છે. અમરેલી સહિત ગ્રામ્ય વિસ્તારના વાતાવરણમાં પલટો અમરેલી સહિત ગ્રામ્ય વિસ્તારના વાતાવરણમાં પલટો આવ્યો છે. અમરેલીના ઈશ્વરીયામાં ભારે પવન સાથે જોરદાર વરસાદી ઝાપટું પડ્યું. અમરેલી શહેરમાં પણ પવન સાથે વરસાદી છાંટા પડ્યા.
મગફળી અને કપાસના ખેતરોમાં પાણી ભરાયા
કમોસમે કરા સાથે વરસાદ પડતા ખેડૂતોને પડ્યા પર પાટુ જેવો ઘાટ થયો છે. એક તરફ વર્ષ માઠુ છે અને તેમાં પણ કરા સાથે વરસાદ પડતા પાકને મોટુ નુકસાન થયું છે. ખેડૂતો પાક લણવાની તૈયારીઓ કરતા હતા તે સમયે જ વરસાદ પડતા પાક ધૂળધાણી થયો છે.
કપાસ વીણવાની તૈયારી કરતો ખેડૂત હવે કપાસ પાણીમાં જવાથી દુખી છે. મગફળીના પાકનો પણ આવો જ ઘાટ છે. મગફળીના પાથરા ખેતરમાં પડ્યા છે ત્યાં વરસાદ પડતા મગફળી પર પાણી ફરી વળ્યું છે.
તો તુવરે સહિતના ઉભા પાક પણ જમીનદોસ્ત થઈ ગયા છે. જેના કારણે ખેડૂતોનું સંપૂર્ણ વર્ષ ફેઈલ થયું છે. ખેડૂતોએ રોવાનો વારો આવ્યો છે. એક તરફ ઓછા વરસાદના કારણે ઓછો પાક થયો તેવામાં હવે પાક હાથમાં વતા-આવતા ફરી કુદરત છીનવી ગયો.