- જાહેરમાં લોકોના સરઘસનો કેસ
- હાઈકોર્ટ 4 પોલીસકર્મી સામે કરશે ચાર્જ ફ્રેમ
- કોર્ટના આદેશ બાદ પણ નથી સોંપ્યો રિપોર્ટ
આરોપીઓને જાહેરમાં અપમાનિત કરવા અને મારવાના 2016ના કેસમાં હાઈકોર્ટે રાજકોટના ચાર પોલીસકર્મી વિરુદ્ધ ચાર્જફ્રેમની પ્રક્રિયા હાથ ધરી છે.. આરોપીઓને મારવા અને સરઘસ કાઢવા મામલે હાઈકોર્ટે રિપોર્ટ સોંપવા માટે આદેશ કર્યો હતો. જોકે પોલીસે રિપોર્ટ ન સોંપતા હવે હાઈખોર્ટે ચાર્જફ્રેમની કાર્યવાહી હાથ ધરી છે.. હાઈકોર્ટે નોંધ્યું કે કોર્ટના આદેશ છતાં પોલીસકર્ચારીઓએ ફરિયાદી સાથે સમાધાન કરીને રિપોર્ટ રજૂ કર્યો નથી.. જેથી હાઈકોર્ટે આ મામલે હવે ચાર પોલીસકર્મચારી વિરુદ્ધ ચાર્જ ફ્રેમની પ્રક્રિયા હાથ ધરી છે. 2016માં રાજકોટ પોલીસે આરોપીની સરઘસ કાઢ્યું હતું.
.
જે મામલે ફરિયાદીએ જાહેરમાં અપમાન કરવાનો કેસ કર્યો હતો. અને આ મામલે કોર્ટે પોલીસ અધિકારી સામે એક્શન લેવા આદેશ કર્યો હતો. અને જાહેરમાં અપમાનને માનવ અધિકારનું ઉલ્લંઘન ગણાવ્યું હતું.
VTV ગુજરાતીના સળગતા સવાલ
- કોર્ટ માનવ અધિકાર મુદ્દે લતાડવાની છે ત્યારે પોલીસ આવું સરઘસ જાહેરમાં કેમ કાઢે ?
- જ્યારે નોટોરિયલ લોકોનું સરઘસ કાઢો ત્યારે લોકો તો ખુશ થાય છે
- નોટોરિયલ લોકોના જાહેર સરઘસ મામલે વિધાનસભામાં કાયદો બનાવવો જોઇએ ?
- ગુજરાતમાં નોટોરિયલ પકડાય છે ત્યારે સરઘસ રાજકોટમાં જ કેમ નિકળે છે ?
- સરઘસ કાઢવા માટે વાઇટ કોલર ક્રાઇમ કરવાવાળાનું સરઘસ કેમ નથી નિકળતું ?
જાહેરમાં અપમાન કેસમાં હાઇકોર્ટે શું કહ્યું ?
2016માં રાજકોટ પોલીસે આરોપીનું જાહેરમાં સરઘસ કાઢ્યું હતું પણ એ પહેલા પણ HCએ આપેલા આદેશમાં આરોપીનું સરઘસ ન કાઢવું તેવો ઉલ્લેખ કર્યો હતો. પણ હાઇકોર્ટમા ચુકાદાનો અનાદર કરીને રાજકોટ પોલીસે આરોપીનું સરઘસ કાઢ્યું હતું જે બાદ રાજકોટ પોલીસની કામગીરી સામે આરોપીઓએ કોર્ટમાં કન્ટેમ્ટ પિટિશન ફાઇલ કરી હતી. હાઇકોર્ટ આ મુદ્દાને ગંભીરતાથી લઇને પોલીસ સામે કાર્યવાહી કરવાનું કહ્યું હતું.પોલીસે આરોપી પોલીસ અધિકારીઓ સામે ચાર્જશીટ ફાઇલ ન કરતા કોર્ટનું આકરું વલણ દર્શાવ્યું છે. હાઇકોર્ટ પોલીસ અધિકારી સામે એકશન લેવા આદેશ આપ્યો છે.
અગાઉ હાઈકોર્ટે પોલીસ કર્મીઑને દંડ ફટાકર્યો હતો
રાજકોટ ભક્તિનગર પોલીસ સ્ટેશનમાં અરજદાર કરનાર આરોપીની ધરપકડ કરવામાં આવી હતી.તેણે જાહેરમાં રસ્તા પર માર મારવામાં આવ્યો હોવાથી ગુજરાત હાઇકોર્ટમાં પોલીસના આ વર્તનને પડકારવામાં આવ્યું હતુ.સમગ્ર મામલે હાઇકોર્ટે અગાઉ પણ આ પોલીસ કર્મીઓને 10 હજારનો દંડ ફટકાર્યો હતો.
પોલીસનું શું કહેવું છે?
ભક્તિનગર પોલીસના જવાબદાર પોલીસકર્મીઓનું કહેવું છે કે આરોપી સામે કોઈ ફરિયાદ કરી રહ્યું હતું નહીં, જેથી લોકોમાં ડરનું વાતાવરણ ન રહે અને ગુનાહિત પ્રવૃત્તિઓ સામે પોતાનો મજબૂત અવાજ ઉઠાવે અને જાગૃતતા આવે તે માટે જનજાગૃતિના ભાગ રૂપે આ કાર્યવાહી કરવામાં આવી હતી.
