મહામારી / રાજસ્થાનના મુખ્યમંત્રી અશોક ગેહલોત કોરોના પોઝિટીવ, દેશમાં બીજા CM સંક્રમિત થયા

• રાજસ્થાનમાં કોરોના વકર્યો
• મુખ્યમંત્રી અશોક ગેહલોત કોરોના પોઝિટીવ
• ખુદ ટ્વિટ કરીને આપી જાણકારી
• અશોક ગેહલોતમાં કોરોનાના હળવા લક્ષણો

રાજસ્થાનમાં કોરોના વકર્યો છે. હવે ખુદ મુખ્યમંત્રી અશોક ગેહલોત પણ ચપેટમાં આવ્યાં છે.  મુખ્યમંત્રી અશોક ગેહલોતે ટ્વિટ કરીને જણાવ્યું કે તેઓ કોરોના પોઝિટીવ આવ્યાં છે. ઉલ્લેખનીય છે કે આ પહેલા દિલ્હીના સીએમ અરવિંદ કેજરીવાલ પણ કોરોના પોઝિટીવ આવ્યાં હતા. 

आज शाम मैंने अपना कोविड टेस्ट करवाया जो पॉजिटिव आया है। मेरे बेहद हल्के लक्षण हैं एवं कोई अन्य परेशानी नहीं है। आज मेरे संपर्क में आए सभी लोगों से निवेदन है कि वे स्वयं को आइसोलेट कर लें एवं अपना कोविड टेस्ट अवश्य करवाएं।

— Ashok Gehlot (@ashokgehlot51) January 6, 2022

અશોક ગેહલોતમાં કોરોનાના હળવા લક્ષણો
મુખ્યમંત્રી અશોક ગેહલોતમાં કોરોનાના હળવા લક્ષણો છે. મુખ્યમંત્રી અશોક ગેહલોતે ટ્વીટ કર્યું હતું કે, "આજે સાંજે મેં મારો કોવિડ ટેસ્ટ કરાવ્યો છે જે પોઝિટિવ આવ્યો છે. મને ખૂબ હળવા લક્ષણો છે અને બીજી કોઈ સમસ્યા નથી. જે લોકો મારા સંપર્કમાં આવ્યા છે તેમને પોતાને અલગ કરવા અને તેમની કોવિડ ટેસ્ટ કરાવવા વિનંતી કરવામાં આવે છે. 

દેશમાં બીજા મુખ્યમંત્રી કોરોના પોઝિટીવ થયા
દેશમાં કોરોના સંકટ વધારે ઘેરુ બની રહ્યું છે. ત્રીજી લહેર શરુ થઈ ચુકી છે. હાલમાં બે મુખ્યમંત્રીઓ કોરોના પોઝિટીવ થયા છે. આ પહેલા દિલ્હીના સીએમ અરવિંદ કેજરીવાલ કોરોના પોઝિટીવ થયા હતા અને હવે રાજસ્થાનના સીએમ પણ કોરોનાથી સંક્રમિત થયા છે. 

અશોક ગેહલોતનો પુત્ર વૈભવ ગેહલોત પણ કોરોના પોઝિટીવ છે 

આ પહેલા બુધવારે મુખ્યમંત્રીના પુત્ર અને RCA પ્રેસિડન્ટ વૈભવ ગેહલોત કોરોનાથી સંક્રમિત થયા હતા. વૈભવે પોતે આ અંગે ટ્વીટ કર્યું હતું. તેમણે પોતાના ટ્વીટમાં લખ્યું છે કે મેં મારી કોવિડ-19 ટેસ્ટ કરાવી છે અને મારો રિપોર્ટ પોઝિટિવ આવ્યો છે. હું સહાનુભૂતિ ધરાવીરહ્યો છું અને ડૉક્ટરની સલાહ મુજબ કોવિડ-૧૯ના તમામ પ્રોટોકોલ અપનાવી રહ્યો છું. લોકોને મારી અપીલ છે કે ચિંતા ન કરો અને કોવિડના યોગ્ય વર્તનનું પાલન કરો.