બેઠક / સોનિયા ગાંધીએ કોંગ્રેસની બેઠક બોલાવી પણ રાહુલે જ આવવાની ના પાડી, જાણો શું છે કારણ

• સોનિયા ગાંધીની આગેવાનીમાં મહત્વપૂર્ણ બેઠક
• પૂર્વ વડાપ્રધાન મનમોહન સિંહ અને એકે એન્ટનીને વિશેષ આંમત્રણ
• લોકસભા ચૂંટણીમાં હાર બાદ રાહુલે આપ્યું હતું રાજીનામુ

અનેક રાજ્યોના મુખ્યમંત્રીઓ, નેતાઓ રહ્યા હાજર

રાહુલ ગાંધી આ બેઠકમાં આવવાની પાત્રતા રાખતા નથી કેમકે એમણે માત્ર સાંસદ અને કોંગ્રેસ કાર્યસમિતિના સદસ્ય છે. આ બેઠક સોનિયા ગાંધીની અધ્યક્ષતામાં યોજાઇ હતી. જેમા પૂર્વ વડાપ્રધાન મનમોહન સિંહ, કોંગ્રેસ મહાસચિવ પ્રિયંકા ગાંધી વાડ્રા, પાર્ટીના વરિષ્ઠ નેતા એકે એન્ટની, અહમદ પટેલ, ગુલામ નબી આઝાદ, મલ્લિકાર્જુન ખડગે, રાજસ્થાનના મુખ્યમંત્રી અશોક ગહલોત અને છત્તીસગઢના મુખ્યમંત્રી ભૂપેશ બઘેલ તથા પાર્ટીના ઘણા મહાસચિવ પ્રદેશ પ્રભારી, પ્રદેશ અધ્યક્ષ અને વિધાયક દળના નેતા સામેલ થયા હતા. તેમા પૂર્વ વડાપ્રધાન મનમોહન સિંહ અને એકે એન્ટની વિશેષ આંમત્રિત હતા.

રાહુલ ગાંધી હજુય પાર્ટી અધ્યક્ષ ન બનવા અડગ

નોંધનીય છે કે લોકસભા ચૂંટણીમાં પાર્ટીની કારમી હાર બાદ અધ્યક્ષ પદેથી રાહુલ ગાંધીએ રાજીનામુ આપી દીધું હતું. તેમના આ નિર્ણય બાદ પાર્ટીના ઘણા નેતાઓ એમને મનાવવાની કોશિશ કરી હતી. પરંતુ એમણે પોતાના નિર્ણય પર અડગ રહ્યા.

રાજીનામા સાથે એમણે એમ પણ કહ્યું હતું કે ગાંધી પરિવારનો કોઇ સદસ્ય અધ્યક્ષ નહીં બને. ત્યારબાદ કોંગ્રેસ કાર્યસમિતિની બેઠક થઇ હતી જેમા એકવાર ફરી તેમના નિર્ણય પર વિચાર કરવા માટે કહેવામાં આવ્યું હતું. પંરતુ એમણે સ્પષ્ટ મનાઇ કરી દીધી.

ત્યારબાદ કોઇ અન્ય રસ્તો ન દેખાતા કોંગ્રેસ કાર્યસમિતિની બેઠકમાં સર્વસમ્મતિથી સોનિયા ગાંધીને અંતરિમ અધ્યક્ષ ચૂંટવામાં આવ્યા હતા. જોકે, પાર્ટીનું સંકટ હજુ દુર થયું નથી.