વલસાડ જિલ્લાના દક્ષિણ વનવિભાગના રેન્જમાંથી અંદાજે સાત લાખથી વધુની કિંમતના ગેરકાયદેસર ખેરના લાકડા ઝડપાયા. મોટાપાયે હેરાફેરી છતાં હજુ લાકડા ચોરીના ખેરખાં 'ઓઝલ'
વલસાડમાં 7 લાખની કિમતના ખેર લાકડા ઝડપાયા
11 ટન ખેરના લાકડા ભરેલી ટ્રક સાથે બે ઝબ્બે
લાકડાની હેરાફેરીના નેટવર્ક સુધી પહોચવા કવાયદ
વલસાડ જિલ્લાના જંગલ વિસ્તારમાં છેલ્લા કેટલાક સમયથી 'પુષ્પા રાજ' ચાલી રહ્યું હોય તેવો માહોલ સર્જાયો છે..છેલ્લા એક અઠવાડિયામાં
ધરમપૂરથી વાપીની હેરાફેરી
વલસાડ જિલ્લા વનવિભાગ અને પોલીસ દ્વારા કરવામાં આવેલી કાર્યવાહીમાં અંદાજે 7 લાખથી વધુના કિંમતના ખેરના લાકડા અને અંદાજે 20 લાખ થી વધુની કિંમતના વાહનો જપ્ત કરી વનવિભાગ દ્વારા કાયદેસરની કાર્યવાહી હાથ ધરવામાં આવી છે. બનાવની વિગત મુજબ વાપી ધરમપુર રોડ પર વલસાડ વલસાડ જિલ્લા એલસીબી પોલીસને મળેલી બાતમીને આધારે પોલીસની ટીમ વોચમાં હતી એ દરમિયાન રસ્તા પરથી પસાર થતાં એક ટ્રકને રોકીને તપાસ કરતા તેમાં ગેરકાયદેસર રીતે ખેરના લાકડા ભરેલા હોવાનું બહાર આવ્યું હતું. પોલીસે ટ્રકના ચાલક અને ક્લિનરને અટકાયત કરી હતી અને પૂછપરછ કરતાં ખેરના લાકડા ગેરકાયદેસર રીતે ધરમપુર તરફથી વાપી તરફ લઈ જવામાં આવી રહ્યા હતી.પોલીસે 11 ટન ખેરના લાકડા ભરેલી ટ્રક સાથે બે આરોપીઓની ધરપકડ કરી અને વન વિભાગને સોંપતા હવે વન વિભાગની ટીમે દ્વારા તપાસ કરવામાં આવી રહી છે
ટ્રકના ડ્રાઈવર -ક્લીનર ઝડપાયા
મહત્વપૂર્ણ છે કે છેલ્લા એક અઠવાડિયામાં વલસાડ જિલ્લાના ધરમપુર તાલુકાના ખરેડી ગામ નજીકથી પણ અંદાજે ત્રણ લાખથી વધુની કિંમતના ખેરના લાકડા ના જથ્થા ભરેલા ટ્રક મળી આવ્યો હતો. આમ છેલ્લા એક અઠવાડિયામાં વલસાડ જિલ્લાના દક્ષિણ વન વિભાગની રેન્જમાંથી ત્રણ જગ્યાએ થી મોટી માત્રામાં ખેરના લાકડા મળી આવ્યા છે. આથી વનવિભાગ દ્વારા બનાવને ગંભીરતાથી લઈ હવે જંગલ વિસ્તારમાં પેટ્રોલીંગ વધારી દીધું છે. આમ છેલ્લા એક અઠવાડિયાથી જિલ્લામાં ખેરના લાકડા ચોરી અને હેરાફેરી ની ઘટનાઓ પ્રકાશમાં આવતા વન વિભાગ દ્વારા હવે ખેરના લાકડાની હેરાફેરીના નેટવર્ક ના મૂળ સુધી પહોંચવા તપાસ હાથ ધરી છે..