મોબાઇલ ગેમ / PUBG LITE વર્ઝનમાં પ્લેયર્સને મળશે અલગ ફિચર્સ, જાણો તેની ખાસિયતો

પરંતુ પબજીના મેકર્સનો દાવો છે કે લાઇટ વર્ઝન લો એન્ડ મોબાઇલમાં પણ આસાનીથી રમી શકાશે. લાઇટ વર્ઝનમાં જોકે રેગ્યુલર ગેમ જેવા કેટલાક ફીચર્સ નહી મળે. લોગીન સહિતના ફીચર બંને ગેમમાં સરખા હશે. સૌથી મોટો ચેન્જ હશે પ્લેયર્સની સંખ્યાનો. પબજીની રેગ્યુલર ગેમમાં કોઇપણ મેપમાં તમે સોલો, ડયુઓ, સ્કવોડમાં ઉતરો તેમાં 100 પ્લેયર વચ્ચે બેટલ લડાય છે. લાઇટ વર્ઝનમાં 40 પ્લેયર્સ હશે.

પબજીમાં તમને અનેક મોડમાં રમવાનો મોકો મળે છે. લાઇટ વર્ઝનમાં તમે માત્ર ટીપીપી એટલે કે થર્ડ પર્સન પરસ્પેકટીવ મોડમાં જ રમી શકશો. પબજીના મોટાભાગના પ્લેયર્સ ટીપીપીમાં રમવાનું પસંદ કરે છે. એટલે આ લિમિટેશનથી પ્લેયર્સને ખાસ ફરક નહીં પડે. મેપ અને ગ્રાફિકસમાં પણ ફેરફાર હશે. 

ઓરીજનલ ઇરેન્ગલ મેપ જેવો પણ થોડો અલગ મેપ તેમાં હોઇ શકે છે. ગ્રાફિકસ થોડા લો રેઝોલ્યુશનના હશે કે જેથી લો એન્ડ ડિવાઇસમાં લેગ વિના રમી શકાય. પબજી મોબાઇલ લગભગ 1.8 જીબીની ગેમ છે. જયારે તેનું લાઇટ વર્ઝન 500 એમબીથી પણ ઓછું હશે. જે 8 જીબી કે 16 જીબીની ટોટલ સ્ટોરેજ ધરાવતા મોબાઇલમાં પણ ચલાવી શકાશે.