- ઈમરાન ખાને વીડિયો કર્યો પોસ્ટ
- આર્મી ચીફ પર કાવતરું રચ્યાનો લગાવ્યો આરોપ
- કહ્યું પાકિસ્તાની સેના ચૂંટણીથી ડરે છે
ઈમરાન ખાને કહ્યું કે પાકિસ્તાની સેના ચૂંટણીઓથી ડરે છે. હાલમાં ઈમરાન ખાને એક વીડિયો પોસ્ટ કર્યો છે જેમાં તેમણે કહ્યું કે જો ચૂંટણી થાય છે અને તેઓ PM બને છે તો તે પાકિસ્તાનનાં આર્મી ચીફને હટાવશે નહીં. એટલું જ નહીં તેમણે આર્મી ચીફ પર પોતાના વિરુદ્ધ કાવતરું રચવાનો આરોપ પણ મૂક્યો છે. તેમણે આરોપ લગાવ્યો છે કે તહરીક-એ- ઈંસાફે વગર કોઈ પુરાવાએ પાર્ટીનાં 7.5 હજાર લોકોને કસ્ટડીમાં રાખ્યાં છે. આ સિવાય પાકિસ્તાનમાં ચાલી રહેલી હિંસા અંગે પણ સ્પષ્ટતા કરી છે.
દેશની 70% આબાદી અમારા સમર્થનમાં-ઈમરાન
ઈમરાન ખાને દાવો કર્યો છે કે દેશની 70% આબાદી તેમનાં સમર્થનમાં છે. લાહોરનાં જમાન પાર્ક સ્થિત તેમના ઘરમાં પોલીસે તપાસ હાથ ધરી તે વિષય પર ઈમરાન ખાને કહ્યું કે કમાંડોઝે તેમના ઘરને ચારેય તરફથી ઘેરી લીધું છે અને તેમનાં અવર-જવરનો રસ્તો પણ બંધ કરી દીધો છે.
તબાહીનાં રસ્તા પર પાકિસ્તાન
પાકિસ્તાનમાં ચાલી રહેલી હિંસાને લઈને તેમણે કહ્યું કે કંઈ પણ થઈ જાય તે પાકિસ્તાન છોડીને નહીં જાય.પાકિસ્તાન વિનાશનાં રસ્તે જઈ અને સીરિયા-લીબિયા જેવું થઈ જાય તેવું તે બિલકુલ ઈચ્છતા નથી .
તેમણે કહ્યું કે,' આપણાં દેશમાં નફરત ફેલાવવામાં આવી રહી છે. આવું ક્યારેય નહોતું વિચાર્યું કે મહિલાઓ સાથે આવી રીતે વર્તન કરવામાં આવશે. 7000થી વધારે સમર્થકોની ધરપકડ કરવામાં આવી છે જેમાં મહિલાઓ પણ છે. આપણાં દેશમાં આવું પહેલાં ક્યારેય નથી થયું.'
