ચિંતા / મહિનાની શરૂઆતમાં ફરી એક વાર વધ્યા ગેસ સિલિન્ડરના ભાવ, જાણો કેટલા રૂપિયાનો થયો વધારો

• ફરી એક વાર મહિનાની શરૂઆતમાં વધ્યા ગેસ સિલિન્ડરના ભાવ
• જાણો કેટલા રૂપિયાનો થયો વધારો
• પેટ્રોલ ડીઝલ બાદ ગેસના ભાવ વધારાએ મચાવ્યો હાહાકાર

પેટ્રોલ ડીઝલના ભાવે દેશભરમાં હાહાકાર મચાવ્યો છે ત્યારે હવે સબ્સિડી વિનાના ગેસ સિલિન્ડરના ભાવ વધારી દેવામાં આવ્યા છે. આજે એટલે કે 1 જુલાઈએ ઈન્ડેનના સિલિન્ડર ભરાવવા માટે તમારે 25 રૂપિયા વધારે ચૂકવવાના રહેશે.  

પહેલા 2 મહિનામાં કોઈ ભાવ વધારો કરાયો ન હતો
મે અને જૂન મહિનામાં ઘરેલૂ ગેસ સિલિન્ડરના ભાવમાં કોઈ વધારો કરાયો ન હતો. એપ્રિલ મહિનામાં ગેસના ભાવમાં 10 રૂપિયાનો ઘટાડો કરાયો હતો. આજે દિલ્હીમાં ગેસ સિલિન્ડરનો ભાવ 834 રૂપિયા થયો છે. ફેબ્રુઆરીમાં એક જ મહિનામાં 100 રૂપિયાનો ભાવ વધારો કરાયો હતો. 

જાણો જુલાઈ મહિનાના 14.2 કિલોના ઘરેલૂ એલપીજી સિલિન્ડરના ભાવ

• દિલ્હીમાં -     834 રુપિયા
• કોલકત્તામાં -  861 રુપિયા
• મુંબઈમાં -     834.5 રુપિયા
• ચેન્નઈમાં-      850 રુપિયા

 
19 કિલોના સિલિન્ડરના ભાવમાં પણ થયો છે 76.5 રૂપિયાનો વધારો
ગયા મહિને એટલે કે જૂનમાં 19 કિલોના સિલિન્ડરના ભાવમાં 122 રૂપિયાનો ઘટાડો કરાયો હતો. આ મહિનાની શરૂઆતમાં જ તેના ભાવ ફરી વધારી દેવામાં આવ્યા છે. ઈન્ડિયન ઓઈલની વેબસાઈટના આધારે દિલ્હીમાં તેના ભાવ 1473.5થી વધારીને 1550 રૂપિયા કરી દેવામાં આવ્યા છે. એટલે કે દરેક સિલિન્ડર પર 76.5 રૂપિયાનો વધારો કરાયો છે. આ વધારો ખૂબ જ વધારે છે.
 

જાણો જુલાઈ મહિનાના 19 કિલોના  એલપીજી સિલિન્ડરના ભાવ

• દિલ્હીમાં -    1550 રુપિયા
• કોલકત્તામાં -  651.5 રુપિયા
• મુંબઈમાં -    1507 રુપિયા
• ચેન્નઈમાં-    1687.5 રુપિયા

સોર્સ : IOC