વેક્સિનેશન / BIG NEWS: હવે ગુજરાતની ખાનગી હોસ્પિટલોમાં પણ મળશે પ્રિકોશન ડોઝ, રાજ્ય સરકારે આપી મંજૂરી

• વેક્સિનેશનને લઈને મહત્વના સમાચાર
• હવે ખાનગી વેક્સિન સેન્ટર પરથી મળી શકશે પ્રિકોશન ડોઝ 
• ખાનગી હોસ્પિટલોમાં પણ મળશે પ્રિકોશન ડોઝ

કોરોનાનો બૂસ્ટર ડોઝ તમામ ખાનગી રસીકરણ કેન્દ્રો પર ઉપલબ્ધ રહેશે. પ્રથમ ડોઝ અને બીજા ડોઝ માટે સરકારી વેક્સિનેશન કેન્દ્રો દ્વારા ચાલી રહેલા મફત રસીકરણ કાર્યક્રમ સાથે આરોગ્ય કાર્યકરો, ફ્રન્ટલાઈન વર્કર્સ અને 60 વર્ષથી વધુ વય જૂથો માટે બૂસ્ટર ડોઝ શરૂ રહેશે. આ સાથે જ તેને વધુ વેગ આપવામાં આવશે. 18 વર્ષથી ઉપરના લોકો પ્રિકોશન ડોઝ લઈ શકશે. કોવિશિલ્ડના એક બુસ્ટર ડોઝની કિંમત 600+ ટેક્સ હોવાનો સીરમ ઇન્સ્ટીટ્યૂટના સૂત્રએ દાવો કર્યો છે. તો રાજ્યમાં ખાનગી હોસ્પિટલોમાં વેક્સિનેશ અંગે આરોગ્યમંત્રી ઋષિકેશ પટેલે મહત્વની જાહેરાત કરી છે.

ખાનગી હોસ્પિટલોમાં પણ મળશે પ્રિકોશન ડોઝઃ આરોગ્ય મંત્રી

આરોગ્યમંત્રી ઋષિકેશ પટેલે પ્રેસ કોન્ફરન્સ કરીને જણાવ્યું કે, હવે ખાનગી હોસ્પિટલોમાં પણ પ્રિકોશન ડોઝ મળશે. રાજ્ય સરકાર દ્વારા પ્રાઇવેટ હોસ્પિટલમાં પ્રિકોશન ડોઝની મંજૂરી અપાઈ છે. હવે લોકો ખાનગી હોસ્પિટલમાં પણ પ્રિકોશન ડોઝ લઈ શકશે. 

Precaution Dose Now Available for 18+ Group at Private Vaccination Centres, Jabs to Begin from April 10.

— Rushikesh Patel (@Rushikeshmla) April 8, 2022

લોકોને વિનંતી કે જલ્દીથી મા કાર્ડ કઢાવી લેઃ આરોગ્ય મંત્રી

PMJYમાં કાર્ડને લઈ આરોગ્યમંત્રી ઋષિકેશ પટેલે જણાવ્યું કે, 4 કરોડ લોકોને મા કાર્ડ આપવાનું સરકારનું આયોજન છે. લોકોને વિનંતી કે જલ્દીથી મા કાર્ડ કઢાવી લે. સરકાર જલ્દીથી 4 કરોડનો લક્ષ્યાંક પૂર્ણ કરવા માંગે છે.

Precaution doses to be now available to 18+ population group from 10th April at private vaccination centres: Ministry of Health

— ANI (@ANI) April 8, 2022

બીજા ડોઝના 9 મહિના પૂર્ણ કર્યા હોય તેને મળશે બૂસ્ટર ડોઝ

મળતી માહિતી અનુસાર, 18+ વય જૂથના લોકો ખાનગી રસીકરણ કેન્દ્રોની મુલાકાત લઈને બૂસ્ટર ડોઝ મેળવી શકશે. 18 વર્ષથી વધુ ઉંમરના લોકોમાં જેમણે બીજો ડોઝ લઇ લીધો છે અને 9 મહિના પૂર્ણ કર્યા છે તેઓ બૂસ્ટર ડોઝ મેળવી શકશે.

12થી 14 વર્ષની વયજૂથના 45% લોકોએ પણ પ્રથમ ડોઝ લઇ લીધો છે

અત્યાર સુધીમાં દેશની તમામ 15+ની વસ્તીમાંથી લગભગ 96% લોકોએ ઓછામાં ઓછો એક કોરોનાનો ડોઝ મેળવી લીધો છે જ્યારે 15+ વય જૂથમાંથી લગભગ 83% લોકોએ બંને ડોઝ લીધા છે. હેલ્થકેર વર્કર્સ, ફ્રન્ટલાઈન વર્કર્સ અને 60+ વય જૂથોને પણ 2.4 કરોડથી વધુ બૂસ્ટર ડોઝ આપવામાં આવ્યા છે. 12થી 14 વર્ષની વયજૂથના 45% લોકોએ પણ પ્રથમ ડોઝ લઇ લીધો છે.

તમને જણાવી દઈએ કે, 6 માર્ચથી દેશમાં 12થી 14 વર્ષના બાળકોનું રસીકરણ ચાલી રહ્યું છે. 12થી 14 વર્ષના બાળકોને Corbevax રસી આપવામાં આવશે. Corbevax ને Biological E Limited કંપની બનાવવામાં આવેલ છે.