ગંભીર સમસ્યા / અસહ્ય ભૂખમરો ! આ દેશની હાલત અફઘાનિસ્તાન કરતા પણ બત્તર, બ્રેડનું પેકેટ પણ અહિયા 6 હજાર પાઉન્ડનું

• લેબનાનમાં ગરીબી ચરમસીમાએ પહોચી 
• બ્રેડનું પેકેટ અહીયા 6 હજાર પાઉન્ડનું 
• વીજળી પણ 24માંથી માત્ર 1 કલાક મળે છે

લેબનાન હાલમાં દુનિયામાં છેલ્લાં 150 વર્ષના સૌથી ખરાબ સમયમાંથી પસાર થઈ રહ્યું છે લેબનાનમાં છેલ્લાં બે વર્ષથી આર્થિક સંકટ સર્જાતા સ્થિતિ વધારે વણસી ગઈ છે, જુદા  જુદા વિસ્તારોમાં હજારો લોકો વિરોધપ્રદર્શન કરી રહ્યા છે, સ્થિતિ એટલી વણસી છે કે, ઉત્તરમાં આવેલા શહેર ત્રિપોલી અને અન્ય વિસ્તારોમાં સૈનાને તહેનાત કરવી પડી  છે.

વિજળી પણ માત્ર 1 કલાક મળે છે

પશ્ચિમ એશિયાયી દેશ લેબનાન હાલ ભીષણ સંકટમાં ફસાયું છે, ખાદ્યસામગ્રીથી માંડીને પેટ્રોલ, ડીઝલ અને ગેસ જેવી રોજિંદી ચીજવસ્તુઓ માટે લોકોને છ- છ કલાક લાઈનમાં ઊભું રહેવું પડે છે, આવી જ સ્થિતિ વીજપુરવઠાની થઈ છે, સરકારી પુરવઠા વાળી વીજળી  24 કલાકમાં માત્ર 1 કલાક મળી રહી છે, સરકારી કચેરીનું કામકાજ ત્રીજાભાગનું ઘટી ગયું છે, કોરોના વચ્ચે આરોગ્ય સેવા પણ ખોરંભે ચડી ગઈ છે. 

બાળકો સ્કૂલે નથી જઈ શકતા 

અહિયા હાલ એટસી ખરાબ છે કે બાળકો સ્કૂલે જઈ શકતા નથી આવી સ્થિતિ અનેક મહિનાઓથી ચાલી રહી છે, લેબનાનના ખાધ્ય અને ઊર્જા સંકટની વાત કરીએ તો એક બ્રેડનો ભાવ 1000 લેબનાન પાઉન્ડ એટલેકે, 48 રૂપિયા હતો, હવે 1 બ્રેડ માટે  6000 લેબનાન પાઉન્ડ એટલેકે 288  રૂપિયા ખર્ચવા પડી રહ્યા છે. પીવાનું પાણી 8 ગણું મોંઘું તો ખોરાક 6 ગણો મોંઘો થઈ ગયો છે. 

પેટ્રોલનો ભાવ 6500 પાઉન્ડ 

ગત જાન્યુઆરીમાં 1 લિટર પેટ્રોલ 1000 લેબનાન પાઉન્ડમાં મળતું હતું તે હવે 6500 લેબનાન પાઉન્ડ મોંઘું થઈ ગયું છે, લેબનાનની 78% વસ્તી ગરીબી સામે ઝઝૂમી રહી છે,લેબનોમાં આવેલા આ સંકટથી અરાજકતાનો માહોલ ઊભો થઈ રહ્યો છે, લોકો  જીવિત રહેવા માટે લૂંટફાટ અને મારામારી પર ઉતરી શકે છે.

બેરુત બ્લાસ્ટ બાદ પરિસ્થિતી બત્તર થઈ 

આપને જણાવી દઈએ કે, ગત વર્ષે 4 ઓગસ્ટે બેરુતમાં થયેલા  એક મહા વિસ્ફોટ બાદ લેબનાનની સરકારે રાજીનામું આપી દીધું હતું, આ વિસ્ફોટમાં 200થી વધારે લોકો માર્યા ગયા હતા, ત્યારે પછી  લેબનાનમાં રાજકીય  ખેંચતાણ બાદ સરકાર બનવામાં વિલંબ સર્જાયો હતો, વિશ્વબેંકનું કહેવું છે કે, લેબનાન હાલમાં દુનિયામાં છેલ્લાં 150 વર્ષના સૌથી ખરાબ સમયમાંથી પસાર થઈ રહ્યું છે લેબનાનમાં છેલ્લાં બે વર્ષથી આર્થિક સંકટ સર્જાતા સ્થિતિ વધારે વણસી ગઈ છે. 

સ્થિતી કંટ્રોલમાં રાખવા સેના તૈનાત 

જુદા  જુદા વિસ્તારોમાં હજારો લોકો વિરોધપ્રદર્શન કરી રહ્યા છે, સ્થિતિ એટલી વણસી છે કે, ઉત્તરમાં આવેલા શહેર ત્રિપોલી અને અન્ય વિસ્તારોમાં સૈનાને તહેનાત કરવી પડી  છે, આપને સવાલ થતો હશે કે લેબનાન આવા મહાઆર્થિક સંકટ વચ્ચે કેમ ઘેરાઈ ગયું છે.

ગરીબી પહોચી ચરમસીમાએ 

ઉલ્લેખનીય છે કે લેબનાન 1975થી 1995 સુધી ગૃહયુદ્ધની આગમાં સળગતું રહ્યું હતું, ગૃહયુદ્ધ દરમિયાન લેબનાને કરજ લેવાનું ચાલું રાખ્યું હતું, સતત કરજ લેવાના કારણે લેબનાન પર કરજનો બોજ વધી ગયો, વધતા બોજના કારણે લેબનનાની કેન્દ્રીય બેંક નબળી પડી ગઈ અને અર્થતંત્ર ધ્વસ્ત થઈ ગયું, લેબનાન પાઉન્ડની કિંમત 90% સુધી ઘટી ગઈ છે, લેબનાના 100 રૂપિયાની કિંમત હવે માત્ર 11 રૂપિયા થઈ ગઈ છે.