પાટણ / ભાજપના ઉમેદવાર ભરતસિંહ ડાભીના વીડિયોથી રાજકારણ ગરમાયું, ગ્રાન્ટમાં ટકાવારી ન લીધી હોવાનું આપ્યું નિવેદન

 
પાટણથી ભાજપના ઉમેદવાર ભરતસિંહ ડાભીના વીડિયોથી રાજકારણ ગરમાયું છે. જાહેરસભામાં ટકાવારીને લઈને વાત કરતા તર્કવિતર્ક શરૂ થયા છે. નેતાજીએ ચૂંટણી સમયે ટકાવારીની વાત કરવાની કેમ જરૂર પડી તે સૌથી મોટો સવાલ છે. તેમણે કહ્યું કે ગુજરાતમાં 30 વર્ષથી ભાજપની સરકાર છે. મે મારા હોદ્દાની ગરીમા જાળવી કામ કર્યા છે. ક્યારેય કોઈ સરપંચ,ડેલિગેટ કે નાગરિક પાસેથી ટકાવારી નથી માગી. ભરતસિંહ ડાભીના વીડિયોને લઈને લોકોમાં સવાલ ઉઠી રહ્યા છે. દેશમાં ચૂંટણીનો માહોલ જામ્યો છે ત્યારે નેતાઓ તેમના નિવેદનોને લીધે ચર્ચામાં આવતા હોય છે. પાટણના ભાજપ ઉમેદવાર ભરતસિંહ ડાભીનો વિડિયો વાયરલ થયો છે. ચાણસ્માના પિપળ ગામે યોજાયેલ જાહેર સભામાં ભરતસિંહ ડાભીએ સાંસદને મળતી ગ્રાન્ટમાંથી કોઇપણ સરપંચ, ડેલિગેટ કે નાગરિક પાસેથી મે ક્યારેય ટકાવારી નથી માગી તેવું નિવેદન કર્યુ હતું. જે ચર્ચાનો વિષય બન્યો છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો