ચૂંટણીને ધ્યાનમાં લઇ 9 હજાર લોકો સામે અટકાયતી પગલા પણ લેવાયા છે. અત્યાર સુધી 60 ટકા લોકો હથિયાર જમા કરાવી ચૂક્યા છે.
સ્થાનિક સ્વરાજ ચૂંટણી લઈ અમદાવાદ પોલીસ થઈ સજ્જ
ચૂંટણીને લઈ અમદાવાદ પોલીસ કરી રહી મોટી કામગીરી
અસામાજિક તત્વો અને ગુનેગારો સામે પોલીસ કાર્યવાહી
ગુજરાતમાં સ્થાનિક સ્વરાજની ચૂંટણીનો પ્રચાર શરૂ થઈ ગયો છે. ત્યારે પોલીસ પણ તમામ રીતે સજજ બની ગઈ છે. ચૂંટણીને લઈ અમદાવાદ પોલીસ દ્વારા મોટી કામગીરી કરવામાં આવી રહી છે. અસામાજિક તત્વો અને ગુનેગારો સામે પોલીસ કાર્યવાહી કરી રહી છે. ચૂંટણીને ધ્યાનમાં લઇ 9 હજાર લોકો સામે અટકાયતી પગલા પણ લેવાયા છે. અત્યાર સુધી 60 ટકા લોકો હથિયાર જમા કરાવી ચૂક્યા છે. આ સાથે ચૂંટણીના કારણે શહેરમાં 44 ચેક પોસ્ટ ઉભી કરી દેવાઈ છે.
શહેરના તમામ સંવેદનશીલ વિસ્તારમાં પોલીસનો ચુસ્ત બંદોબસ્ત રહેશે. રાત્રીના દરમિયાન પણ પોલીસની ચોકી પર ચેકિંગની કાર્યવાહી શરૂ રહેશે. મહત્વનું છે કે, ચૂંટણીના સમયે અનેક ગેરકાનૂની સામગ્રીની હેરફેર કરવામાં આવતી હોય છે. અને રોકડ રૂપિયાની પણ હેરફેર ઝડપાતી હોય છે. આ સાથે પોલીસ દ્વારા કોરોનાની ગાઈડલાઈનનું પણ ચૂસ્ત રીતે પાલન કરાવવામાં આવશે.
મહત્વનું છેે કે, 6 ફેબ્રુઆરીએ અમદાવાદ પોલીસ કમિશનર દ્વારા એક નોટિફિકેશન જાહેર કરીને મોટા વાહનોની એન્ટ્રી પર પ્રતિબંધ લગાવાયો હતો. શહેરમાં સવારના 8થી રાત્રીના 11 વાગ્યા સુધી મોટા વાહનોની એન્ટ્રી પર પ્રતિબંધ લગાવી દેવાયો છે. જેમાં ટ્રેકટર જેવા વાહનોનો પણ સમાવેશ છે.