મહારાષ્ટ્ર હાઇકોર્ટની નાગપુર બેંચે 26 જુલાઇ 2022ના રોજ આપેલ જજમેન્ટ બાદ પોલીસ સ્ટેશનમા પણ ફોટો શૂટિંગ કે વીડિયો શૂટિંગ કરતાં પોલીસ અટકાવી શકતી નથી.
પોલીસ સ્ટેશનમા પણ કરી શકશો શૂટિંગ
બોમ્બે હાઈકોર્ટનો ચુકાદો
કોર્ટનો ચુકાદો તમને આપે છે અધિકાર
જાગૃત નાગરિક સારા સમાજનું નિર્માણ કરતો હોય છે પરંતુ દેશમાં મોટાભાગના લોકો કાયદાઓથી સંપૂર્ણ રીતે પરિચિત ન હોવાથી અનેક વખત પીડિત બનીને રહીં જતા હોય છે. જ્યારે સામાન્ય રીતે લોકોની સમજ એવી હોય છે કે પોલીસ સ્ટેશનમાં મોબાઇલ લઇ જવો કે મોબાઇલ લઇ જઇ શૂટિંગ કે ફોટા લઇ શકાતા નથી પરંતુ મહારાષ્ટ્ર હાઇકોર્ટની નાગપુર બેંચે 26 જુલાઇ 2022ના રોજ આપેલુ જજમેન્ટથી ફરી આ ચર્ચા શરૂ થઇ ચૂકી છે. જેમાં પોલીસ સ્ટેશનમા પણ શૂટિંગ કરવાની છૂટ અપાઈ છે.
શૂટિંગ માટે પરમિશન આપવની ફરજ પડી
સામાન્ય રીતે લોકોમાં એવી જ માન્યતા રહેલી છે કે પોલીસ સ્ટેશનમાં મોબાઇલ લઇ જઇ શકાય નહીં અથવા તો પોલીસ સ્ટેશનની અંદર શૂટિંગ કે ફોટા પણ લઇ શકાય નહીં. ત્યારે નાગપુર બેંચના ચુકાદાથી ફરી આ મુદ્દા પર ચર્ચા શરૂ થઇ ચૂકી છે કે પોલીસ સ્ટેશનમાં શૂટિંગ કે ફોટા લઇ શકાય કે નહીં. પરંતુ થોડા દિવસ પહેલા આવી જ એક ઘટના અમદાવાદના નવરંગપુરા પોલીસ સ્ટેશન વિસ્તારમાં સોશિયલ એક્ટિવિસ્ટ પંક્તિ જોગ સાથે બની હતી. બિલકિશ બાનુ કેસ મુદ્દે પ્રદર્શન કરતા પંક્તિ જોગ સહિતના લોકોની અટકાયત કરી તમામને નવરંગપુરા પોલીસ મથકે લઇ જવાયા હતા જ્યા પંક્તિ જોગે મોબાઇલ શૂટિંગ કરવાનો પ્રયાસ કરતા ત્યાના પોલીસ કર્મીઓએ તેમને અટકાવ્યા હતા. પરંતુ સોશિયલ અક્ટિવિસ્ટ પંકિત જોગે નવરંગપુરા પોલીસ ઈન્સ્પેક્ટરને એક કાયદાનું ભાન કરાવતા તેમણે શૂટિંગ માટે પરમિશન આપવની ફરજ પડી હતી.
પોલીસ સ્ટેશનમાં શૂટિંગ કરવાની સત્તા આપે છે
પોલીસ સ્ટેશનમાં મોબાઇલ શૂટિંગ કે ફોટો લઇ શકાય કે નહીં એ મુદ્દે લોકોમાં ગુંચવણ હોવાથી અનેક વખત ફરિયાદીને પણ પીડિત જેવી મુશ્કેલીઓનો સામનો કરવો પડતો હોય છે. જેમાં ખાસ કરીને મહિલાની સંખ્યા વધુ છે. આ કાયદા વિશે વાત કરતા ગુજરાત હાઇકોર્ટના વકીલ રૂચિકા કક્કડ જણાવે છે કે નાગપુર બેંચના ચુકાદા મુજબ વ્યક્તિ આમ નાગપુર બેંચના ચુકાદાનું વ્યવસ્થિત અર્થઘટન તમને પોલીસ સ્ટેશનમાં શૂટિંગ કરવાની સત્તા આપે છે. આથી કાયદાની આટલી સમજણ કેળવી લીધા બાદ તમે પોલીસ સ્ટેશનમાં કેમેરા કે પોતાના મોબાઈલથી શૂટિંગ કરવાનો અધિકાર ધરાવો છો.