તૈયારી / અફઘાન સંકટ વચ્ચે PM મોદી આજે કરશે મોટું કામ, પુતિન-જિનપિંગનો થશે સામનો

• અફઘાનિસ્તાનની સ્થિતિના વ્યાપક રુપથી ચર્ચાની આશા
• સંમેલનનો વિષય ‘બ્રિક્સ @15 : સાતત્ય, એકત્રીકરણ અને સર્વસંમતિ માટે ઇન્ટ્રા-બ્રિક્સ સહયોગ
• બ્રિક્સમાં વિશ્વના 5 સૌથી મોટા વિકાસશીલ દેશો  

અફઘાનિસ્તાનની સ્થિતિના વ્યાપક રુપથી ચર્ચાની આશા

ડિજિટલ રીતથી આયોજિત થનારી આ બેઠકમાં અફઘાનિસ્તાનની સ્થિતિના વ્યાપક રુપથી ચર્ચાની આશા છે. વિદેશ મંત્રાલયના પ્રવક્તા અરિંદમ બાગચીએ ટ્વીટ કરી જણાવ્યું કે પ્રધાનમંત્રી નરેન્દ્ર મોદી બ્રિક્સના 13માં શિખર સંમેલનની અધ્યક્ષતા કરશે.

બ્રિક્સમાં વિશ્વના 5 સૌથી મોટા વિકાસશીલ દેશો  

વિદેશ મંત્રાલય અનુસાર બેઠકમાં  બ્રાઝિલના રાષ્ટ્રપતિ જેયર બોલ્સોનારો, રશિયાના રાષ્ટ્રપતિ વ્લાદિમીર પુતિન, ચીનના રાષ્ટ્રપતિ શી જિનપિંગ અને દક્ષિણ આફ્રિકાના રાષ્ટ્રપતિ સિરિલ રામાફોસા ઉપસ્થિત રહેશે.  બ્રિક્સમાં વિશ્વના 5 સૌથી મોટા વિકાસશીલ દેશો છે. જે વૈશ્વિક વસ્તીના 41 ટકા, વૈશ્વિક જીડીપીના 24 ટકા અને વૈશ્વિક વેપારના 16 ટકાનું પ્રતિનિધિત્વ કરે છે

#BRICSat15
🇧🇷🇷🇺🇮🇳🇨🇳🇿🇦

PM @narendramodi will chair the 13th #BRICS Summit tomorrow.

Here's a glimpse of India's key priorities and achievements for #BRICSIndia2021#BRICSIndia #ContinuityConsolidationConsensus pic.twitter.com/uqdw7lgQxy

— Arindam Bagchi (@MEAIndia) September 8, 2021

સંમેલનનો વિષય ‘બ્રિક્સ @15 : સાતત્ય, એકત્રીકરણ અને સર્વસંમતિ માટે ઇન્ટ્રા-બ્રિક્સ સહયોગ

વિદેશ મંત્રાલયના એક નિવેદનમાં કહેવામાં આવ્યું કે 2021માં બ્રિક્સની ભારતની અધ્યક્ષતા હેઠળ પીએમ મોદી 9 સપ્ટેમ્બર ડિજિટલ રુપમાં 13માં બ્રિક્સ શિખર સંમેલનની અધ્યક્ષતા કરશે. આ બીજી વાર છે જ્યારે પીએમ અધ્યક્ષતા કરી રહ્યા છે આ પહેલા 2016માં તેમા કરી હતી. આ વખતે બ્રિક્સની 15મી વર્ષ ગાંઠ હોવાથી સંમેલનનો વિષય ‘બ્રિક્સ @15 : સાતત્ય, એકત્રીકરણ અને સર્વસંમતિ માટે ઇન્ટ્રા-બ્રિક્સ સહયોગ’ની છે.

આ મુદ્દાઓ પર થશે ચર્ચા

ભારતે પોતાની અધ્યક્ષતાના પ્રાથમિક વાળા 4 સેક્ટરની રુપરેખા તૈયાર કરી છે. જેમાં બહું પક્ષીય પ્રણાલીમાં સુધાર, આતંકલાદનો સામનો, એસડીજી પ્રાપ્ત કરવા માટે ડિજિટલ અને ટેક્નિકલ હથિયારોના ઉપયોગ અને લોકોની વચ્ચે સંપર્ક વધારવાનું સામેલ છે.   વિદેશ મંત્રાલયના જણાવ્યા અનુસાર,  આ ઉપરાંત બ્રિક્સ સંમેલનમાં કોરોનાની અસર અને અન્ય હાજર વૈશ્વિક ક્ષેત્રીય મુદ્દાઓ પર ચર્ચા થશે. વિદેશ મંત્રાલય મુજબ ભારતના રાષ્ટ્રીય સુરક્ષા સલાહકાર અજીત ડોભાલ, નવા વિકાસ બેંકના પ્રમુખ માર્કોસ ટ્રોયજો, બ્રિક્સ બિઝનેસ કાઉન્સિલના કાર્યકારી  પ્રમુખ ઓંકાર કંવર અને બ્રિક્સ મહિલા બિઝનેસ એલાયન્સના કાર્યકારી અધ્યક્ષ ડો.સંગીતા રેડ્ડી આ પ્રસંગે સમિટમાં હાજર તમામ દેશોના પ્રમુખોની સમક્ષ પોતાની જવાબદારીઓ હેઠળ વર્ષ દરમિયાન થયેલા કામની વિગતો રજૂ કરશે.