તૈયારીઓ / યુપી બાદ શરૂ થશે PM મોદીનું મિશન ગુજરાત, પાટીલની હાઇલેવલ મીટિંગમાં થઈ ચર્ચા

• PM મોદી ગુજરાત પ્રવાસે આવશે
• માર્ચ મહિનાથી ગુજરાત પ્રવાસે આવશે
• 12 જેટલા કાર્યક્રમોમાં હાજરી આપશે

PM મોદી માર્ચ મહિનાથી ગુજરાત પ્રવાસે આવશે

 મહત્વનું છે કે, ઉત્તર પ્રદેશમાં આગામી મહિનાઓમાં યોજાનારી ચૂંટણીના અનુલક્ષીને  વડાપ્રધાન છેલ્લા બે મહિનાથી વધુ યુપીની મુલાકાત લઈ ચુક્યાં છે. અને કરોડો રૂપિયાના વિકાસના કામોનું લોકાપર્ણ કરાયું છે.વડાપ્રધાન નરેન્દ્ર મોદી યુપી બાદ હવે આગામી મહિનામાં ગુજરાતના પ્રવાસે છે. આ દરમિયાન 12 થી  વધુ કાર્યક્રમોમાં હાજરી આપશે. 

વિધાનસભાની ચૂંટણીની તૈયારીઓને લઇ આજે કમલમમાં બેઠક મળી 

ગુજરાત રાજ્યમાં ભાજપ દ્વારા હવે એક દિવસ, એક જિલ્લો નામની એક નવી જ પહેલ શરૂ કરવામાં આવી છે. આ આયોજન અંતર્ગત ગુજરાત ભાજપના પ્રદેશ પ્રમુખ અને પ્રદેશ મહામંત્રીઓ એક આખો દિવસ એક જિલ્લા માટે ફાળવશે. જેના ભાગરૂપે આજે ગાંધીનગર સ્થિત કમલમ ખાતે ગુજરાત પ્રદેશ પ્રમુખ સી.આર પાટીલની અધ્યક્ષતામાં પ્રદેશ હોદ્દેદારો, સાંસદો, ધારાસભ્યો અને જિલ્લા-તાલુકા પ્રમુખની બેઠક યોજાઈ  હતી. જેમાં  ભાજપના આગામી કાર્યક્રમો અંગે થશે મંથન કરવામાં આવ્યું હતું.