વિકાસ / દેશને મળશે વધુ એક મોટા એક્સપ્રેસ વેની ભેટ, આવતીકાલે PM મોદી કરશે ઉદ્ધાટન, 120 કિમીની ઝડપે દોડશે કાર

• 'સમૃદ્ધિ મહામાર્ગ'નું આવતી કાલે PM કરશે ઉદ્ગાટન
• મુંબઇ-નાગપુર એક્સપ્રેસ છે 520 કિ.મી લાંબો
• PMની સુરક્ષા માટે  4000 પોલીસ કર્મીઓ તૈનાત 

મુંબઇ-નાગપુર એક્સપ્રેસ હાઇ-વેનાં પહેલા ચરણનું કામ પૂરું થઇ ગયું છે અને 11 ડિસેમ્બરનાં તેનું ઉદ્ગાટન પણ થવાનું છે. પ્રધાનમંત્રી નરેન્દ્ર મોદી રવિવારે મહારાષ્ટ્રનાં નાગપુર પહોંચશે. જ્યાં તેઓ 520 કિ.મી લાંબા અને નાગપુર-શિરડીને જોડતા હાઇવે 'સમૃદ્ધિ મહામાર્ગ'નું અનાવરણ કરશે. આ સિવાય પીએમ નાગપુરનાં મિહાન ક્ષેત્રમાં સ્થિત અખિલ ભારતીય આયુર્વિજ્ઞાન સંસ્થાન (એમ્સ)ને રાષ્ટ્ર સમર્પિત કરશે.

In Maharashtra, Prime Minister Narendra Modi will lay the foundation stone and inaugurate projects worth Rs 75,000 crores. PM to flag off Vande Bharat Express connecting Nagpur and Bilaspur and inaugurate AIIMS Nagpur. pic.twitter.com/RFavOaddQy

— ANI (@ANI)

સમૃદ્ધિ મહામાર્ગ વિશે માહિતી
સમૃદ્ધિ મહામાર્ગ એટલે કે મુંબઇ-નાગપુર એક્સપ્રેસ વે આશરે 55000 કરોડ રૂપિયાનાં ખર્ચે બનાવવામાં આવ્યો છે. આ ભારતનાં સૌથી લાંબા એક્સપ્રેસ હાઇવેમાંનો એક છે કે જે મહારાષ્ટ્રનાં 10 જિલ્લાઓ અને અમરાવતી, ઔરંગાબાદ, નાશિકનાં પ્રમુખ શહેરી ક્ષેત્રોમાંથી પસાર થાય છે. દાવો કરવામાં આવે છે કે આ એક્સપ્રેસ વેની આસપાસનાં 14 અન્ય જિલ્લાઓની કનેક્ટિવીટીને ઉત્તમ બનાવવામાં મદદ મળશે.

પર્યટન સ્થળો પણ આવરે છે આ હાઇ વે
માહિતી અનુસાર સમૃદ્ધિ મહામાર્ગ દિલ્હી-મુંબઇ એક્સપ્રેસ વે, જવાહરલાલ નહેરુ પોર્ટ ટ્રસ્ટ અને અજંતા એલોરા ગુફાઓ, શિરડી, વેરૂલ, લોનાર વગેરે જેવા પર્યટનનાં સ્થળોને પણ જોડશે. સમૃદ્ધિ મહામાર્ગ મહારાષ્ટ્રનાં આર્થિક વિકાસને વધારો આપવા માટે એક ગેમ ચેન્જર સાબિત થઇ શકે છે. આ સમૃદ્ધિ મહામાર્ગ એટલે કે મુંબઇ-નાગપુર એક્સપ્રેસ વે 6 લેન વાળો હાઇ વે છે.

નાગપુર મેટ્રોનાં બીજા ચરણનું પણ ઉદ્ગાટન
માહિતી અનુસાર પીએમ મોદી નાગપુર મેટ્રોનાં બીજાં ચરણની પણ આધારશિલા રાખશે. વિદર્ભમાં એક સાર્વજનિક સમારોહમાં પ્રધાનમંત્રી 1500 કરોડ રૂપિયાથી વધુની રેલ યોજનાની શરૂઆત કરશે.