વિશ્વ / ઈઝરાયલ-હમાસ જંગ વચ્ચે PM મોદીએ જૉર્ડનના કિંગ સાથે કરી વાત, આ મુદ્દાઓ પર થઈ ચર્ચા, વ્યક્ત કરી સંવેદના

• PM મોદીએ જોર્ડનનાં કિંગ સાથે વાત કરી
• આતંકવાદ સહિત અનેક મુદાઓ પર ચર્ચા કરી
• કિંગ અબ્દુલ્લા 2 સાથે હમાસ યુદ્ધ અંગે પણ વાતચીત કરી

ઈઝરાયલ-હમાસની વચ્ચે 7 ઑક્ટોબરથી યુદ્ધ ચાલી રહ્યું છે. આ વચ્ચે સોમવારે પ્રધાનમંત્રી નરેન્દ્ર મોદીએ જોર્ડનનાં કિંગ અબ્દુલ્લા દ્વિતીય સાથે ફોન પર વાતચીત કરી હતી. PM મોદીએ સોશિયલ મીડિયા પર પોસ્ટ કરીને માહિતી આપી.

PM મોદીએ કરી વાતચીત
PM મોદીએ સોશિયલ મીડિયા પર જણાવ્યું કે કિંગ અબ્દુસલ્લા 2 સાથે વાતચીત થઈ. બંનેની વચ્ચે વેસ્ટ એશિયામાં હાલનાં સમયમાં ચાલી રહેલા ડેવેલોપમેન્ટ પર ચર્ચા થઈ. તેમણે કહ્યું કે અમે આતંકવાદ, હિંસા અને સામાન્ય નાગરિકોનાં મૃત્યુને લઈને ચિંતા વ્યક્ત કરી. 

પેલેસ્ટાઈનનાં PM સાથે પણ કરી હતી વાત
થોડા દિવસો પહેલાં ભારતીય PM નરેન્દ્ર મોદીએ પેલેસ્ટાઈનનાં રાષ્ટ્રપતિ મહમૂદ અબ્બાસની સાથે વાત કરી હતી. આ વાતચીત દરમિયાન PM મોદીએ ગાઝાનાં અલ અહલી હોસ્પિટલમાં નાગરિકોનાં મૃત્યુ પર પોતાની સંવેદના વ્યક્ત કરી હતી. પીએમ મોદીએ આ દરમિયાન સ્પષ્ટ કર્યું કે ભારત પેલેસ્ટાઈનનાં લોકોને માનવીય મદદ આપવાનું ચાલુ રાખશે. ક્ષેત્રમાં આતંકવાદ, હિંસા અને બગડતી સુરક્ષાની સ્થિતિમાં પોતાની ચિંતા પણ PM મોદીએ વ્યક્ત કરી હતી.