IPLIN
 

કેવડિયા / દેશના સૌ પ્રથમ ગ્લો ગાર્ડનનું પીએમ મોદીએ કર્યું ઉદ્ધાટન, શુક્રવારે ગુજરાતને આપી અનેક ભેટ

Team VTV 07:53 PM, 30 Oct 20 | Updated: 09:50 PM, 30 Oct 20
Follow us
pm modi in kevadia Jungle Safari aarogya van Nutrition Park

પ્રધાનમંત્રી નરેન્દ્ર મોદીએ શુક્રવારે ગુજરાતના કેવડિયામાં કેટલીક યોજનાઓની શરૂઆત કરી. પોતાના બે દિવસીય પ્રવાસે ગુજરાત પહોંચેલા પ્રધાનમંત્રી નરેન્દ્ર મોદીએ આરોગ્ય વન, ન્યૂટ્રિશન પાર્ક, જંગલ સફારી, એકતા મોલ અને એકતા ક્રુઝ સર્વિસ સહિત કેટલીક યોજનાઓને દેશને સમર્પિત કરી. આ દરમિયાન પ્રધાનમંત્રી નરેન્દ્ર મોદીના અહીં અલગ-અલગ અંદાજ જોવા મળ્યા.

  • પીએમ મોદી કેવડિયાના પ્રવાસે
  • આરોગ્ય વન અને ચિલ્ડ્રન ન્યુટ્રિશિયન પાર્કનું કર્યું ઉદ્ધાટન
  • પ્રધાનમંત્રી જંગલ સફારીનું પણ કર્યું ઉદ્ધાટન
  • પ્રધાનમંત્રી નરેન્દ્ર મોદીએ કેવડિયામાં ક્રુઝ સેવાનું કર્યું લોકાર્પણ

દેશના સૌ પ્રથમ ગ્લો ગાર્ડનનું પીએમ મોદીએ કર્યું ઉદ્ધાટન

PM મોદી કેવડિયાના વિશેષ આકર્ષણ ગ્લો ગાર્ડન પહોંચ્યા હતા. જ્યાં પીએમએ સ્ટેચ્યુ ઓફ યુનિટિ વેબસાઇટ, કેવડિયા મોબાઇલ એપ અને ગ્લો ગાર્ડનનું ઉદ્ધાટન કર્યું છે. SOU આવનાર પ્રવાસીઓ માટે યુનિટી ગ્લો ગાર્ડન ખાસ બનશે. લાખો LED લાઈટ સાથે ગ્લો ગાર્ડન ઝળહળી ઉઠ્યો છે.

દેશમાં સૌ પ્રથમ ગ્લો ગાર્ડન SOUમાં તૈયાર થયો છે. 3.61 એકરમાં વૃક્ષો, ફુવારાઓ, પ્રકલ્પો LEDથી ઝગમગશે. કેવડિયા ખાતે રાત્રી મુલાકાતે આવનાર પ્રવાસીઓને લાભ મળશે.


સરદાર સરોવર ડેમ પર લાઇટિંગનું ઉદ્ધાટન

પ્રધાનમંત્રી નરેન્દ્ર મોદીએ કેવડિયામાં સરદાર સરોવર ડેમ પર લાઇટિંગનું ઉદ્ધાટન કર્યું છે. PM મોદીએ સરદાર સરોવર ડેમની લાઇટિંગને નિહાળી હતી. રાત્રી ટુરિઝમ હબ બનાવવા કેવડિયામાં ખાસ લાઇટિંગ લગાવવામાં આવી છે. સરદાર સરોવર ડેમ લેઝર લાઈટથી ઝળહળી ઉઠ્યો છે. પ્રવાસીઓ માટે કેવડિયામાં કાયમી લાઇટિંગ રાખવામાં આવશે.

પ્રધાનમંત્રી નરેન્દ્ર મોદીએ એકતા ક્રુઝ સેવાની શરૂઆત કરી

પ્રધાનમંત્રી નરેન્દ્ર મોદીએ સરદાર પટેલ પ્રાણી ઉદ્યાનના ઉદ્ધાટન બાદ એકતા ક્રુઝ સેવાનું લોકાર્પણ કર્યું. પ્રધાનમંત્રી નરેન્દ્ર મોદી, રાજ્યપાલ અને મુખ્યમંત્રીએ ક્રુઝમાં સવારી કરીને મજા માણી અને નિરીક્ષણ કર્યું. પ્રધાનમંત્રી નરેન્દ્ર મોદીએ 'એકતા ક્રૂઝ સર્વિસ'ને ખુલ્લી મુકી. શ્રેષ્ઠ ભારત ભવનથી કેવડિયામાં સ્ટેચ્યુ ઓફ યુનિટી સુધીની ફેરી બોટ સર્વિસ શરૂ કરાઇ છે.

 

પ્રધાનમંત્રી નરેન્દ્ર મોદી જંગલ સફારીનું ઉદ્ઘાટન કરીને નિરીક્ષણ કર્યું

PM મોદી 2 દિવસિય ગુજરાત પ્રવાસે છે ત્યારે પ્રધાનમંત્રી નરેન્દ્ર મોદી કેવડિયામાં જંગલ સફારીનું ઉદ્ધાટન કર્યું. ઉદ્ધાટન બાદ તેઓ જંગલ સફારીનું નિરીક્ષણ કરવા માટે પહોંચ્યા હતા.  પ્રધાનમંત્રીની સાથે રાજ્યપાલ અને મુખ્યમંત્રી પણ હાજર રહ્યા.

આ જંગલ સફારી 375 એકરમાં પથરાયેલું છે. જંગલ સફારી 7 ઝોનમાં બનાવાયુ છે. જંગલ સફારીમાં દેશ-વિદેશના પશુ-પક્ષીઓ રાખવામાં આવ્યા છે. 1500 જેટલા પશુ-પક્ષીઓ જંગલ સફારીમાં છે. 29 પ્રાણીઓ માટે ખાસ નિયત વિસ્તાર તૈયાર કરાયો. 

જંગલ સફારીમાં 200 રૂપિયા, નાના બાળકોના 125 રૂપિયા ટિકિટના દર રહેશે

વિશ્વમાં સૌથી મોટા બે જીઓડેસીક ડોમ એવિયરીઝ તૈયાર કરાયા છે. ડોમમાં પ્રવાસીઓ આજુબાજુમાં ઉડતા પક્ષીઓ જોવાનો આનંદ માણી શકશે. સફારી સાથે જ પેટિંગ ઝોન પણ તૈયાર કરાયો છે. જંગલ સફારીમાં 200 રૂપિયા ટિકિટના દર રહેશે. નાના બાળકોના ટિકિટ દર 125 રૂપિયા રહેશે.


આ દરમિયાન જંગલના પક્ષીવાળા ઝોનમાં ગયા. ત્યાં પીએમ મોદીએ પોતાના શરીર પર આવી બેઠેલા પોપટને વ્હાલ કર્યું. 

પક્ષીઓ અને નાના પ્રાણીઓને અડી અને રોમાંચ અનુભવી શકે તેવો 'પેટીંગ ઝોન'

જંગલ સફારી પ્રોજેકટમાં પ્રવાસીઓ ખાસ કરીને બાળકો પણ પક્ષીઓ અને નાના પ્રાણીઓને અડી અને રોમાંચ અનુભવી શકે તેવો 'પેટીંગ ઝોન'નો સમાવેશ છે. પેટીંગ ઝોનમાં મકાઉ, કોકેટુ, પરીશયન બિલાડી, સસલાઓ, ગુનીયા પીગ, નાનો અશ્વ, નાના ઘેંટા અને બકરા, ટર્કી અને ગીઝનો સમાવેશ છે.

પ્રધાનમંત્રીએ સૌથી પહેલા આરોગ્ય વનનું ઉદ્ધાટન કર્યું

પ્રધાનમંત્રી નરેન્દ્ર મોદીએ સૌથી પહેલા આરોગ્ય વનનું ઉદ્ધાટન કર્યું, આ દરમિયાન તેમણે સમગ્ર વનમાં ચક્કર પણ લગાવ્યું. પીએમ મોદીએ અહીં ગોલ્ફ કાર્ટમાં ઘૂમ્યા, આ દરમિયાન તેમની સાથે ગુજરાતના રાજ્યપાલ આચાર્ય દેવવ્રત, મુખ્યમંત્રી વિજય રૂપાણી પણ હાજર રહ્યા. ત્યાર બાદ પ્રધાનમંત્રી નરેન્દ્ર મોદીએ ચિલ્ડ્રન ન્યૂટ્રિશન પાર્કનું ઉદ્ધાટન કર્યું.

પીએમ મોદીએ ચિલ્ડ્રન ન્યુટ્રિશિયન પાર્કની લીધી મુલાકાત

પીએમ મોદીએ ચિલ્ડ્રન ન્યુટ્રિશિયન પાર્કની પણ મુલાકાત લીધી હતી. અદ્યતન ટેકનોલોજીથી સંચાલિત વિશ્વનો સૌ પ્રથમ ચિલ્ડ્રન ન્યુટ્રિશન પાર્ક છે. આ થીમ બેઝ પાર્ક ૩પ હજાર ચો.મી. વિસ્તારમાં પથરાયેલો છે. જ્યાં બાળકોને જ્ઞાન સાથે ગમ્મત મળે તે હેતુથી અદ્યતન ટેકનોલોજીનો ઉપયોગ કરાયો છે. 

ચિલ્ડ્રન પાર્કમાં બાળકો માટે મીની ટ્રેન

ચિલ્ડ્રન પાર્કમાં બાળકો મીની ટ્રેન દ્વારા 600 મીટર પ્રવાસ કરી શકશે. ઉપરાંત તમામ પ્રવાસીઓને મનોરંજન માટે મીરર મેઈઝ, 5-D થિયેટર પણ છે. આ ટ્રેનમાં બેસીને પ્રધાનમંત્રીએ પાર્કની મુલાકાત લીધી હતી.

PM modi Kevadia નરેન્દ્ર મોદી કેવડિયા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ