- વડા પ્રધાન મોદી 12 મી માર્ચે અમદાવાદમાં
- ખેલ મહાકુંભનો કરાવશે પ્રારંભ, GMDCમાં સભા
- 11 મીથી ત્રણ દિવસ માટે RSSની મોટી બેઠક
પ્રધાનમંત્રી નરેન્દ્ર મોદી 12 માર્ચે ગુજરાતના પ્રવાસે આવવાના છે. જેને લઈ તંત્ર દ્વારા તડામાર તૈયારીઓ શરૂ કરી દેવામાં આવી છે. પીએમ મોદી ગુજરાતના પ્રવાસ દરમિયાન અનેક કાર્યક્રમોમાં ઉપસ્થિત રહેનાર છે. જેમાં અમદાવાદના GMDC ગ્રાઉન્ડમાં ભાજપના કાર્યકર્તાઓને સંબોધશે. પીએમ મોદીના આ સંબોધન દરમિયાન ભાજપ અધ્યક્ષ, મંત્રીમંડળના સભ્યો, સાંસદો, ધારાસભ્યો, સરપંચો, તાલુકા, જિલ્લા પંચાયતના સભ્યો મોટી સંખ્યામાં ઉપસ્થિતર રહેનાર છે. જેથી GMDC ના મેદાનમાં તૈયારીઓ શરૂ કરી દેવામાં આવી છે.
પાંચ રાજ્યોની ચૂંટણીનાં પરિણામો પર ચર્ચા
10 માર્ચે ઉત્તરપ્રદેશ સહીત પાંચ રાજ્યોની વિધાનસભા ચૂંટણીનાં પરિણામો છે.ત્યારે 11 માર્ચે અમદાવાદમાં રાષ્ટ્રીય સ્વયં સેવક સંઘની મોટી બેઠક છે. સંઘના વરિષ્ઠ નેતા બી. એલ સંતોષ પણ ઉપસ્થિત રહેશે. અમદાવાદના પીરાણા નજીક સંઘની ત્રિદિવસીય પ્રતિનિધિ સભામાં વડાપ્રધાન નરેન્દ્ર મોદી પણ ઉપસ્થિત રહી શકે છે. મોહન ભાગવત ઉપરાંત જે.પી નદ્ડા,અને બી એલ સંતોષ ઉપસ્થિત રહેશે. આ એજ સંતોષ છે જેમણે ગુજરાતમાં આખી સરકારના ચહેરાને બદલી નાખી એક દાખલો બેસાડ્યો હતો. આવું જ કર્ણાટક અને ઉત્તરા ખંડમાં ઓપરેશન કર્યું હતું.
ગુજરાતની ચૂંટણી પર મહા ચર્ચા
વડાપ્રધાન મોદી આવી રહ્યા છે તેને અનુલક્ષીને પાંચ રાજ્યોના ચૂંટણી પરિણામ પછી પહેલી કાર્યકર્તા મિલન કહેતા સભા GMDC મેદાનમાં યોજાશે. ગુજરાતમાં અત્યારની સ્થિતિએ જે કહેવાય છે તેમ ડીસેમ્બરમાં નિયત સમયે વિધાનસભા ચૂંટણી થશે. એટલે ઉત્તર પ્રદેશના જે કઈ પરિણામ આવે, તે સંદર્ભનો આખા દેશને સીધો સંદેશ,ગુજરાતમાં થી જશે. અલબત, પાંચ રાજ્યોના ચૂંટણી પરિણામ પર સંઘની બેઠકમાં પણ ચર્ચા તો થશે જ. પરંતુ,મુખ્ય મુદ્દો ગુજરાતમાં વિધાનસભા ચૂંટણીનો રહેશે.
12 મી માર્ચે વડાપ્રધાન મોદી ગુજરાતમાં ખેલ મહા કુંભનો પ્રારંભ કરાવશે. 2010 માં શાળાકીય બાળકોને રમત-ગમતમાં રૂચી કેળવાય અને જિલ્લા ,પ્રદેશ અને રાજ્યથી રાષ્ટ્રીય કક્ષાએ યુવા કૌવત ઝળકે તે હેતુસર ખેલ મહા કુંભ શરુ કરાયો હતો.
